Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Ózbekstan medıtsına salasynda yntymaqtastyqty nyǵaıtady

2021 jyldyń 5 naýryz 2021 19:45

TAShKENT. QazAqparat - Búgin Ózbekstan Respýblıkasyna jumys sapary aıasynda Qazaqstan Respýblıkasy Premer-Mınıstriniń orynbasary Eraly Toǵjanov Ózbekstan Respýblıkasynyń Premer-Mınıstri Abdýlla Arıpovpen kezdesti, dep habarlaıdy primeminister.kz.

Kelissóz barysynda densaýlyq saqtaý, bilim jáne ǵylym salasyndaǵy Qazaqstan men Ózbekstannyń yntymaqtastyǵyn nyǵaıtý máseleleri talqylandy.

Qos memlekettegi qazirgi epıdemıologııalyq jaǵdaı týraly pikir almasyp, COVID-19 jańa ınfektsııasyna qarsy kúresýde qabyldanǵan sharalardy iske asyrýdyń mańyzdylyǵy atalyp ótildi.

Epıdemııa jáne pandemııa bolǵan jaǵdaıda jedel áreket jasap, ózara is-qımyl boıynsha birlesken tıimdi sharalar ázirleý týraly kelisimge qol jetkizildi.

Kezdesý barysynda taraptar joǵary tehnologııalyq medıtsınalyq kómek kórsetý, sanıtarııalyq-epıdemıologııalyq sharalarǵa kóńil bólý, vaktsınalaý boıynsha aldyn alý máseleleri, aqparattyq tehnologııalardy engizý, farmatsııa boıynsha ózara is-qımyldy jolǵa qoıý, onyń ishinde farmatsevtıkalyq ónerkásipte kooperatsııalyq jobalardy iske asyrýdy pysyqtaý jáne densaýlyq saqtaý máseleleri boıynsha medıtsınalyq qyzmetter kórsetý, t.b. máseleler boıynsha yntymaqtastyqty jandandyrý qajettiligi týraly ortaq pikirge toqtady.

Joǵary tehnologııalar salasyndaǵy birlesken jobalardy keńeıtý jáne eki el arasyndaǵy úzdiksiz medıtsınalyq bilim berý salasyndaǵy yntymaqtastyǵyn jandandyrý, medıtsınalyq bilim berý uıymdarynyń stýdentteri men oqytýshylary arasyndaǵy akademııalyq utqyrlyqty keńeıtý, birlesken ǵylymı jobalardy ázirleý jáne engizý, t.b. salalar boıynsha ózara ózara is-qımyldy jolǵa qoıý týraly kelisimge qol jetkizildi.

Kelissóz barysynda Qazaqstan Premer-Mınıstriniń orynbasary Ózbekstanda qazaqstandyq joǵary oqý oryndarynyń fılıaldaryn ashý múmkindigin qarastyrýdy, sondaı-aq eki memlekettiń prezıdenttik mektepteri arasynda tájirıbe almasýdy bastaýdy jáne jalpy bilim berý salasyndaǵy yntymaqtastyqty jandandyrýdy usyndy.

Kezdesý qorytyndysy boıynsha Eraly Toǵjanov jyly shyraımen qarsy alǵan qonaqjaılyǵy úshin Ózbekstan Premer-Mınıstrine rızashylyǵyn bildirip, ózbek tarapyn Qazaqstanǵa resmı saparmen kelýge shaqyrdy.





Joǵary qaraı