Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Reseı AShM júk tranzıti máselesin talqylady

2021 jyldyń 9 qazan 2021 15:46

MÁSKEÝ. QazAqparat - QR Aýyl sharýashylyǵy mınıstriniń birinshi orynbasary Aıdarbek Saparov Máskeý qalasyna jumys sapary aıasynda RF Aýyl sharýashylyǵy mınıstriniń orynbasary Sergeı Levınmen kezdesti, dep habarlaıdy QazAqparat atalmysh vedomostvonyń baspasóz qyzmetine silteme jasap.

Taraptar eki el arasyndaǵy AÓK salasyndaǵy taýar aınalymy máselelerin talqylady.

Bıylǵy jyldyń jeti aıynda Qazaqstan men Reseı arasyndaǵy aýyl sharýashylyǵy ónimderiniń taýar aınalymy $1,4 mlrd-tan asty, bul 2020 jyldyń osy kezeńimen salystyrǵanda 11,4% - ǵa artyq.

Kelissózder barysynda A.Saparov Reseı Federatsııasymen shekarada júkterdi tekserý protsesin jedeldetýdi usyndy. Aıta keteıik, aǵymdaǵy jyldyń qyrkúıek aıynda ótken Qazaqstan men Reseı arasyndaǵy óńiraralyq yntymaqtastyq forýmda Qazaqstan Prezıdenti Qasym-Jomart Toqaev shekarada júk tasymaldaý máselesin kótergen bolatyn.

«Bul bizge AÓK ónimderiniń qazaqstandyq eksportyn ulǵaıtý bóliginde taýar aınalymyn ósirýge múmkindik beredi. Atalǵan sharany júzege asyrý úshin ózara tyǵyz is-qımyl jasaý jáne júkterdi tasymaldaý kezinde týyndaıtyn problemalarǵa jedel áreket etý qajet», - dedi Aýyl sharýashylyǵynyń birinshi vıtse-mınıstri Aıdarbek Saparov.




Reseı tarapy óz kezeginde, shekaradan ótý kezinde problemalar týyndaǵan jaǵdaıda jedel áreket etý úshin eksporttaýshy-kásiporyndardyń tizilimimen almasýdy usyndy.

Kezdesý 2021 jyldyń 5-8 qazan aralyǵynda QR Aýyl sharýashylyǵy mınıstriniń birinshi orynbasary Aıdarbek Saparovtyń jetekshiligimen QR Aýyl sharýashylyǵy mınıstrligi delegatsııasynyń «Altyn kúz-2021» reseılik agroónerkásiptik kórmesin aralaý aıasynda ótti. QR AShM ókilderi usynylǵan ázirlemelermen, Reseıdiń óńirleriniń birqatar pavılondarynyń ónimderimen tanysty, Reseı Federatsııasy aýmaǵyndaǵy álemdik AÓK ónimderin óndirýshiler men qaıta óńdeýshiler qataryna jatatyn áleýetti ınvestorlarmen kezdesýler ótkizdi.

Budan basqa, «Altyn kúz - 2021» agroónerkásiptik kórmesin aralaý sheńberinde Aýyl sharýashylyǵynyń birinshi vıtse-mınıstri A. Saparov RF Aýyl sharýashylyǵy mınıstri D. Patrýshevtiń, sondaı-aq «Mıratorg» holdıngi sııaqty agrobıznes ókilderiniń jáne t. b. qatysýymen ekinshi halyqaralyq agroónerkásiptik forýmǵa qatysty.

«Altyn kúz» - bul sala mamandary úshin aýqymdy iskerlik baǵdarlamany qamtıtyn, reseılik aýylsharýashylyq taýar óndirýshileriniń jetistikteriniń aýqymdy kórmesi. Bıylǵy jyly kórmeniń taqyryptyq baǵyttary agrarlyq sektordyń, ǵylym men ınnovatsııanyń ózekti taqyryptary boldy. Kórmege Reseıdiń óńirleri men taıaý shetelderden kóptegen eksponentter qatysty.


Basty sózder: QR AShM, Reseı, Taýar, Ekonomıka,
Joǵary qaraı