Aýa raıy
Astana -3 °S
Almaty 4 °S
valıýta baǵamy
USD 389.34
EUR 428.78
RUB 6.05
CNY 55.45

Qazaqstan men Reseı at sporty federatsııalary yntymaqtastyq týraly memorandýmǵa qol qoıdy

2019 jyldyń 19 qazan 2019 12:56

ALMATY. QazAqparat - 19-20 qazanda at sporty halyqaralyq federatsııasynyń (FEI) prezıdenti Ingmar De Vos Qazaqstan Respýblıkasyna saparmen keldi, dep habarlaıdy QazAqparat At sporty federatsııasyna silteme jasap.

Ingmar De Vos óńirde at sportyn damytý máselelerin talqylaý maqsatynda alǵash ret Ortalyq Azııa elderine keldi. Sapar barysynda De Vos myrza Qazaqstan Respýblıkasynyń At sporty federatsııasynyń prezıdenti Berik Imashevpen, Respýblıkanyń Ulttyq Olımpıada komıtetiniń basshylyǵymen, Ulttyq paralımpıadalyq komıtettiń basshylyǵymen kezdesýler ótkizdi. Sondaı-aq, De Vos myrza elimizdiń at sporty ınfraqurylymymen tanysyp, Almaty men Almaty oblysynyń birqatar At-sporttyq klýbtaryn aralady. Sonymen qatar, Halyqaralyq at sporty federatsııasynyń prezıdenti Qazaqstan chempıonatynyń jeńimpazdary men júldegerlerin marapattaý rásimine qatysty.




Sondaı-aq, FEI delegatsııasynyń quramynda Reseı at sporty federatsııasynyń delegatsııasy boldy. Ony Reseı federatsııasynyń prezıdenti Marına Sechına bastap keldi. Qazaqstan men Reseı at sporty federatsııalary arasynda óńirde at sportyn damytý jáne qoldaý maqsatynda yntymaqtastyq týraly memorandýmǵa qol qoıyldy.

Eske sala ketsek, Qazaqstanda tuńǵysh at sporty mektebi 1956 jyly ashyldy. Qazaqstandyq shabandozdar birneshe ret Azııa chempıonattarynyń, álem kýbogy kezeńderiniń jáne At sporty boıynsha QR aýmaǵynda jáne odan tys jerlerde halyqaralyq týrnırlerdiń júldegerleri atandy.

Basty sózder: Almaty, Sport,
Joǵary qaraı