Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan men Tájikstan senatorlary sý máselesin talqylady

2022 jyldyń 13 mamyr 2022 19:45

NUR-SULTAN. QazAqparat – Qazaqstan Parlamenti Senatynyń tóraǵasy Máýlen Áshimbaev Tájikstan Respýblıkasyna resmı sapary aıasynda QR Parlamenti Senaty men Tájikstan Respýblıkasy Olı Majlısiniń Mıllı Majlısi arasyndaǵy yntymaqtastyq jónindegi turaqty komıssııanyń alǵashqy otyrysy ótti.

QR Parlamenti Senatynyń baspasóz qyzmetiniń habarlaýynsha, komıssııa jumysy eki el Parlamentteri palatalarynyń parlamentaralyq yntymaqtastyǵyn nyǵaıtýdy jáne osy baǵyttaǵy naqty isterdi qolǵa alýdy kózdeıdi. Osyǵan baılanysty otyrys barysynda depýtattar birqatar perspektıvalyq baǵyttarǵa nazar aýdardy.

Atap aıtqanda, eki el depýtattarynyń mádenı-gýmanıtarlyq, saýda-ekonomıkalyq jáne ınvestıtsııalyq salalardaǵy máselelerdi sheshýge yqpal etýi týraly ýaǵdalastyqqa qol jetkizildi. Sondaı-aq kóshi-qon saıasaty boıynsha da ózara járdemdesý máselesi sóz boldy.

Komıssııa otyrysynda Máýlen Áshimbaev Qazaqstan men Tájikstan arasyndaǵy strategııalyq serktestikti odan ári keńeıtýdiń jáne nyǵaıtýdyń mańyzdy ekenin aıtty. Senat tóraǵasy bul rette eki eldiń Prezıdentteri – Qasym-Jomart Toqaev pen Emomalı Rahmonnyń ózara qarym-qatynasy men kelisimderiniń aıryqsha mánge ıe ekenin atap ótti. Óz sózinde Máýlen Áshimbaev atalǵan kelissózderdi iske asyrý baǵytynda parlamentaralyq baılanysty barynsha arttyrý Parlament depýtattarynyń mindeti ekenin jetkizdi. Ol taıaýda qurylǵan Yntymaqtastyq jónindegi turaqty komıssııanyń birinshi otyrysy sonyń naqty nátıjesi ekenin de tilge tıek etti.

«Búgin biz Parlamentaralyq yntymaqtastyqty damytýdyń 2022-2024 jyldarǵa arnalǵan jol kartasyna qol qoıdyq. Osyǵan oraı aldaǵy ýaqytta bizdiń palatalardaǵy tıisti komıtetterdiń delegatsııalary ózara tájirıbe almasýy ekijaqty baılanysty arttyrýǵa ıgi áserin tıgizedi. Sonyń ishinde jastar jáne saraptamalyq qurylymdar boıynsha yntymaqtastyqtyń keleshegi zor. Bul rette Senat janyndaǵy Jas sarapshylar klýby men Mıllı Majlıs janyndaǵy Jastar Parlamenti arasynda baılanys ornatýdyń bereri mol dep esepteımiz. Odan bólek, aldaǵy ýaqytta sý resýrstaryn tıimdi paıdalaný, óńirdegi qaýipsizdikti qamtamasyz etý jáne basqa da máseleler boıynsha parlamentshiler arasynda birqatar «dóńgelek ústelder» men is-sharalar ótkizýge bolady. Onyń bári ózara parlamentaralyq yntymaqtastyqty nyǵaıtyp, naqty nátıjeni arttyra túsedi», – dedi Senat Tóraǵasy.

Resmı sapar barysynda Máýlen Áshimbaev Tájikstan Respýblıkasynyń Prezıdenti Emomalı Rahmonmen kezdesti.

Senat Tóraǵasy Tájikstan basshysyna Qazaqstan Prezıdenti Qasym-Jomart Toqaevtyń sálemi men baýyrlas eldiń halqyna ıgi tilegin jetkizdi. Suhbat barysynda Máýlen Áshimbaev Qazaqstanda qoǵamdyq-saıası baǵytta júrgizilip jatqan júıeli reformalarǵa da toqtalyp ótti.

«Qazaqstanda qańtar aıynda bolǵan qaıǵyly oqıǵalar elde júıeli jáne eleýli ózgerister qajet ekenin kórsetip berdi. Taıaýda Qazaqstan Prezıdenti Qasym-Jomart Toqaev bıylǵy 5 maýsymda el Konstıtýtsııasyna ózgerister men tolyqtyrýlar engizý jóninde respýblıkalyq referendým ótkizý týraly Jarlyqqa qol qoıdy. Bizdiń Ata zańymyzǵa engiziletin ózgerister eldiń saıası júıesin aıtarlyqtaı ózgertýdi kózdeıdi», – dedi Senat Tóraǵasy.

Sonymen qatar Máýlen Áshimbaev Tájikstan Respýblıkasy Olı Majlısi Mıllı Majlısiniń tóraǵasy Rýstamı Emomalımen kelissózder júrgizdi. Kezdesýde Senat Spıkeri Qazaqstan Parlamentiniń Senaty Tájikstannyń Mıllı Majlısimen yntymaqtastyqty odan ári arttyrýǵa múddeli ekenine taǵy bir márte nazar aýdardy. Taraptar depýtattardyń ekologııa, transshekaralyq ózenderdiń sýlaryn paıdalaný jáne basqa da ortaq problemalardy birlesip sheshýge qatysty máselelerdi talqylady.

Senat Tóraǵasy Tájikstan Respýblıkasy Olı Majlısi namoıandagon Majlısiniń tóraǵasy Mahmadtoır Zokırzodamen de kezdesti. Sondaı-aq tájik-aýǵan shekarasynda erlikpen qaza tapqan qazaqstandyq jaýyngerlerdiń rýhyna taǵzym etip, bizdiń shekarashylarǵa arnalǵan eskertkishke gúl shoǵyn qoıdy.


Joǵary qaraı