Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Túrikmenstan ózara vaktsına pasportyn moıyndaý máselesin qarap jatyr

2021 jyldyń 24 qarasha 2021 18:25

NUR-SULTAN. QazAqparat – Qazaqstan men Túrikmenstan ekijaqty vaktsına pasportyn moıyndaý jaǵyn qarastyryp jatyr. Bul týraly Qazaqstandaǵy Túrikmenstan Respýblıkasynyń Tótenshe jáne Ókiletti elshisi Batyr Redjepov málim etti, dep habarlaıdy QazAqparat tilshisi.

«Bul baǵytta ekijaqty jumys júrip jatyr. Jýyrda Túrikmenstan men Qazaqstannyń Densaýlyq saqtaý mınıstrliginiń ókilderiniń kezdesýi ótti. Sol kezdesýde ekijaqty vaktsına pasportyn moıyndaý máselesi de qozǵaldy. Josparda bar, naqty ýaqyty ázirge belgisiz. Jalpy búginde Túrikmenstanda epıdjaǵdaı turaqty», - dedi Batyr Redjepov tilshilerdiń suraǵyna jaýap bere tura.

Onyń aıtýynsha, búginde Qazaqstanda 3 myńnan astam túrikmen azamaty turyp jatyr.

Aıta ketsek, búgin Nur-Sultan qalasynda Qazaqstan men Túrikmenstan arasyndaǵy dostyq qarym-qatynasqa arnalǵan BAQ arnalǵan baspasóz máslıhaty ótti.

Brıfıng barysynda túrikmen dıplomaty atalǵan eldiń beıtaraptyq saıasatyna qatysty túsinik berip ótti.

Sondaı-aq, keler jyly Qazaqstanda Túrikmenstannyń Mádenı kúnderi ótetini aıtyldy.



Joǵary qaraı