Aýa raıy
Astana -26 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Túrkııa áýe qatynasyn qalpyna keltirý máselesin talqylady

2020 jyldyń 8 tamyz 2020 16:31

ANKARA. QazAqparat - Ankarada Premer-Mınıstrdiń orynbasary Eraly Toǵjanov bastaǵan QR delegatsııasy keshe Túrkııa Respýblıkasynyń Densaýlyq saqtaý mınıstri Fahrettın Kojamen kezdesý ótkizdi, dep habarlaıdy QazAqparat Qazaqstan Syrtqy ister mınıstrliginiń baspasóz qyzmetine silteme jasap.

Qazaqstan Prezıdenti Qasym-Jomart Toqaevtyń tapsyrmasy boıynsha, QR delegatsııasy Qazaqstan men Túrkııa arasyndaǵy halyqaralyq áýeqatynasyn qalpyna keltirý máselesin talqylady.

Taraptar koronavırýs indetiniń taralýyna jol bermeý maqsatynda birlesken is-sharalar qabyldaýǵa jáne eki el arasyndaǵy yntymaqtastyqty nyǵaıtýǵa ýaǵdalasty.
Sondaı-aq, qazaqstandyq tarap Túrkııa Úkimetine pandemııa kezinde elimizge kórsetken izettilik kómegi úshin rızashylyǵyn bildirdi.
QR Densaýlyq saqtaý mınıstri Alekseı Tsoı túrik tarapyn COVID-19 indeti boıynsha elimizdegi qazirgi tańdaǵy jaǵdaı týraly aqparattandyrdy. Ol Qazaqstandaǵy ahýal turaqtalǵanyn jáne baqylaýda ekendigin atap ótti.





Kelissózder nátıjesi boıynsha TR Densaýlyq saqtaý mınıstri F.Koja atalǵan máseleni Túrkııanyń Koronavırýs indetimen qarsy kúres jónindegi ǵylym keńesiniń kelesi otyrysynyń kún tártibinde talqylaýǵa qaıta shyǵaratynyna sendirdi, sondaı-aq bul másele Qazaqstandaǵy oń dınamıkanyń jalǵasýyn eskere otyryp, jýyq arada óz sheshimin tabatyndyǵyna senim bildirdi.





Sonymen qatar, 7 tamyzda Qazaqstan Syrtqy ister mınıstri Muhtar Tileýberdi Túrkııa

Syrtqy ister mınıstri Mevlıýt Chavýshoglýmen Qazaqstan men Túrkııa arasyndaǵy áýe reısterdi toqtata turý máselesi boıynsha telefon arqyly sóılesti.
Túrkııa Syrtqy ister mınıstri bul sheshim baýyrlas halyqtardyń ekijaqty qarym-qatynastaryna baılanysty emes ekendigine jáne turaqty reısterdi qaıta bastaý týraly sheshim TR Memlekettik komıssııasynyń kelesi otyrysynda qaralatynyna sendirdi.
Oǵan qosa, QR Syrtqy ister mınıstrligine Túrkııanyń Qazaqstandaǵy Elshisi Ýfýk Ekıdjı shaqyrylyp, túrik tarapynyń osyndaı sheshimderi týraly Qazaqstan Úkimetin aldyn ala habardar etý ótinishi jetkizildi.





Basty sózder: Kólik, Túrkııa, QR Úkimeti,
Joǵary qaraı