Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Túrkııa týlarynyń fleshmoby ótti

2021 jyldyń 28 qarasha 2021 12:57

NUR-SULTAN. QazAqparat – Túrkııada Qazaqstannyń Tuńǵysh Prezıdenti kúni men QR Táýelsizdiginiń 30 jyldyq mereıtoıyna oraı eki eldiń memlekettik rámizderimen fleshmob uıymdastyryldy, dep habarlaıdy QazAqparat tilshisi.

Іs-shara Túrkııa úshin sımvoldyq máni bar Ankaradan shyǵysqa qaraı 80 shaqyrym jerdegi Kyrykkale ólkesinde uıymdastyryldy. Uımdastyrýshylar bul jerdi teginen tańdap almaǵan. Sebebi dál osy jerde Túrkııanyń 43 ólkesin toǵystyratyn jol ótedi jáne Baıraktepe qyratynan qashyqta jelbirep turǵan eldiń úlken týy anyq kórinedi.

Fleshmobty Túrkistan qalasynyń qurmetti azamaty, Qoja Ahmet ıAssaýı atyndaǵy Halyqaralyq qazaq-túrik ýnıversıtetiniń túlegi doktor Fatma Senmez uıydastyrdy. Oǵan jergilikti memlekettik jáne atqarýshy organdar, túrik jastary, eriktiler jáne Qazaqstandy jaqsy kóretin jergilikti turǵyndar kómek kórsetti.





Sońǵy 27 jyl boıy F.Senmez elimizdi Túrkııada tanytýǵa zor úles qosyp keledi. Ol osy ýaqytqa keıin Qazaqstanmen tikeleı baılanysty ártúrli 530 is-shara uıymdastyrǵan.

«530 sanyna týra kelgen osynaý is-sharany Qazaqstan Táýelsizdiginiń 30 jyldyq mereıtoıyna oraı ádeıi uıymdastyrdym. Kezinde rýhanı astanamyz Túrkistanda bilim alǵanymdy maqtan tutamyn. Sol kezde túrki áleminiń negizin qalaýshy Elbasymyzdy alǵash ret kórgen edim. Búgingi is-shara sol kisiniń de qurmetine arnalady. Óıtkeni, kóshbasshymyz ári túrki áleminiń aqsaqaly N.Nazarbaev tek qazaq halqynyń ǵana emes sonymen birge búkil túrki áleminiń ıgiligi úshin eńbek etip júr»,- dedi ol.






Joǵary qaraı