Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan men Túrkııanyń kásipker áıelderi arasynda baılanysty nyǵaıtý máselesi talqylandy

2022 jyldyń 18 qańtar 2022 20:15

NUR-SULTAN. QazAqparat – Qazaqstan men Túrkııa elderiniń kásipker áıelderi arasynda ekonomıkalyq baılanysty nyǵaıtý máseleleri talqylandy, dep habarlaıdy QazAqparat.

17 qańtarda onlaın formatta Túrki saýda-ónerkásip palatasynyń Kásipker áıelder komıtetiniń ekinshi otyrysy ótti.

Іs-sharaǵa Túrki memleketteri uıymynyń bas hatshysy Adem Kýla jáne Kásipker áıelder komıtetiniń tóraıymy Saqına Babaeva qatysty. Qazaqstan tarapynan Qazaqstan Respýblıkasynyń Túrik Respýblıkasyndaǵy Tótenshe jáne ókiletti elshisi Abzal Saparbekuly jáne Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymy Lazzat Ramazanova qatysty.

Ulttyq komıssııa basshysy memleketter arasyndaǵy seriktestikti keńeıtý jáne eki eldiń kásipker áıelderi arasyndaǵy ekonomıkalyq baılanysty nyǵaıtý boıynsha naqty usynystaryn jetkizdi.

«Ótken jyldan beri Qazaqstannyń barlyq aımaqtarynda Áıelder kásipkerligin damytý ortalyqtary ashylýda. Ortalyqtardyń jumys baǵytynyń biri – kásibin jańadan bastaǵan áıelderdi oqytý. Elderimiz arasyndaǵy tyǵyz ekonomıkalyq baılanysty jáne áriptestiktiń úlken tájirıbesin eskere otyryp, men Túrki memleketteri uıymyndaǵy áriptesterimizdi Ortalyqtardyń onlaın platformasyn tájirıbe almasý jáne áıelderge arnalǵan trenıngter men oqytý semınarlaryn ótkizý úshin qoldanýǵa shaqyramyn», - dedi Lazzat Ramazanova.

Sonymen qatar ol 2022 jyly Qazaqstan astanasynda ECOJER ekinshi ekologııalyq kongresin ótkizý josparlanyp otyrǵanyn aıtty. Lazzat Ramazanova Túrki memleketteri uıymynyń ókilderin kongreske qatysýǵa shaqyryp, bul shara áıelderdiń turaqty damý men ekologııa salalaryndaǵy bastamalaryn tanystyrý jáne olardy odan ári ilgeriletý úshin jaqsy alań bolatynyn atap ótti.

Eske salaıyq, 2021 jyldyń qarasha aıynda Ystanbul qalasynda Túrki saýda-ónerkásip palatasynyń Kásipker áıelder komıtetiniń birinshi otyrysy uıymdastyrylǵan bolatyn. Іs-shara Qazaqstan Respýblıkasynyń Prezıdenti Qasym-Jomart Toqaevtyń qatysýymen Túrkitildes memleketterdiń yntymaqtastyq keńesiniń VIII sammıti aıasynda ótti.


Joǵary qaraı