Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qazaqstan muǵalimi»: Jeńimpazǵa qansha syıaqy beriledi

2021 jyldyń 28 shilde 2021 13:25

NUR-SULTAN. QazAqparat – «Qazaqstan muǵalimi» ulttyq syılyǵyna kez kelgen pedagog óz betimen ótinim jibere alady. Ol úshin mektep basshylyǵy men salaǵa jaýap beretin vedomstvonyń usynymy qajet emes, dep habarlaıdy QazAqparat tilshisi.

Bul týraly «Qoǵamdyq mańyzy bar bastamalardy damytý qory» jeke qorynyń tóraǵasy Ermek Májıtov ortalyq kommýnıkatsııalar qyzmetinde aıtty.

«Álem muǵalimi» jahandyq syılyǵy – muǵalimderge arnalǵan Nobel syılyǵynyń balamasy. Júlde qory – 1 mln dollar. 2019 jyly «Qoǵamdyq mańyzy bar bastamalardy damytý» qorynyń quryltaıshysy Álııa Nursultanqyzynyń bastamasy boıynsha osy jahandyq konkýrsty uıymdastyrýshy Varkey qorymen memorandýmǵa qol qoıylǵan bolatyn. Sonyń aıasynda «Qazaqstan muǵalimi» ulttyq syılyǵyn iske asyrý bastamasy kóterilgen edi», - dep bastady qor jetekshisi.

Onyń aıtýynsha, bıyl úshinshi ret ótetin konkýrstyń maqsaty – pedagog eńbeginiń bedelin, pedagog mártebesin kóterý, muǵalimderimizi halyqaralyq deńgeıge shyǵarý.

«Biz muǵalimderimiz álemdik syılyqqa qatysyp, halyqaralyq deńgeıde tanylýǵa laıyq dep esepteımiz. «Qazaqstan muǵalimi» ulttyq syılyǵy osymen úshinshi maýsymda ótip jatyr jáne qujattardyń qabyldaý sáýir aıynda bastalǵan, 15 tamyzǵa deıin jalǵasady.

Jobanyń basty ereksheligi, oǵan kez kelgen muǵalim óz betimen qatysa alady. ıAǵnı bilim berý mekemesi basshylyǵynyń, bilim berý bólimderi men basqarmalarynyń usynymy talap etilmeıdi. Baıqaý kezinde muǵalimderdiń mekteptegi kásibı biliktiliginen bólek qoǵamdyq ómirdegi belsendiligi, bet-beınesi de eskeriledi», - dedi Ermek Májıtov.

Aqtyq synǵa ótetin 10 nomınatty 50 úzdik muǵalimnen jasaqtalǵan táýelsiz qazylar akademııasy anyqtaıdy.

«Aqtyq synǵa 10 úzdik ustaz iriktelip, 24 qyrkúıekte Almaty qalasyndaǵy marapattaý sharasyna shaqyrylady. Olardyń bári «Álem muǵalimi-2022» syılyǵyna qatysatyn nomınant atanady. «Qazaqstan muǵalimi» ulttyq syılyǵynyń ambassadory, jeńimpaz «Qoǵamdyq mańyzy bar bastamalardy damytý» qorynyń qurylaıtyshysynan 10 myń dollar kóleminde syılyq alady. Aqtyq synǵa shyqqan qalǵan 9 muǵalim baǵaly syılyqtarman marapattalady», - dedi qordyń dırektory.


Avtor Esimjan Naqtybaı
Basty sózder: Qoǵam, Bilim,
Joǵary qaraı