Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan ókilderi Túrikmenstanda ótken EYU keńesine qatysty

2021 jyldyń 29 qarasha 2021 03:07

NUR-SULTAN. QazAqparat - Qazaqstan delegatsııasy EYU Syrtqy ister mınıstrleri keńesine qatysty. Bul týraly QazAqparat SІM silteme jasap habarlaıdy.

Qazaqstan Respýblıkasy Syrtqy ister mınıstriniń birinshi orynbasary Shahrat Nuryshev Túrikmenstannyń tóraǵalyǵymen Ashhabad qalasynda Ekonomıkalyq yntymaqtastyq uıymynyń (EYU) 15 sammıti qarsańynda ótken EYU Syrtqy ister mınıstrleri keńesiniń 25-shi otyrysyna qatysty.

Іs-sharaǵa múshe memleketterdiń syrtqy saıası vedomstvolarynyń jáne EYU mamandandyrylǵan agenttikteriniń basshylary qatysty.

Mınıstrler aldaǵy EYU múshe-memleketteri basshylarynyń otyrysynda qabyldaýǵa josparlanyp jatqan EYU sammıti kún tártibiniń jáne Іs-qımyldar jónindegi Ashhabad konsensýsynyń (Ashhabad deklaratsııasy) jobalaryn kelisti.

Keńes EYU Hatshylyǵynyń qyzmeti týraly Bas hatshynyń esebi men 2021-2022 jyldarǵa arnalǵan EYU óńirlik jobalary boıynsha usynymdaryn tyńdady, EYU Hatshylyǵynyń 2022 jylǵa arnalǵan bıýdjeti maquldap, EYU-ny damytýdyń 2025 jylǵa deıingi tujyrymdamasy ózektendirdi.

Sonymen qatar, otyrysta EYU syılyǵyna úmitkerlerdiń kandıdatýralary bekitildi. Tarıh, mádenıet, ádebıet jáne óner sanatynda QR Mádenıet jáne sport mınıstrligi janyndaǵy Ulttyq mýzeıdiń fızıkalyq antropologııa zerthanasynyń basshysy Orazaq Ismaǵulovtyń kandıdatýrasy bekitildi.

SІMK otyrysynyń qorytyndysy boıynsha EYU jáne ESKATO arasynda ózara túsinistik týraly Memorandýmǵa qol qoıý rásimi ótti.

Mınıstrlik kezdesý qarsańynda ótken EYU bıznes-forýmy aıasynda Qazaqstan-Túrikmenstan-Iran temirjol dálizi boıynsha júk tasymalyn ulǵaıtýǵa baǵyttalǵan memorandýmǵa qol qoıyldy.


Joǵary qaraı