Aýa raıy
Astana 7 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan-Ózbekstan shekarasy arqyly pestıtsıdterdi zańsyz alyp ótpek bolǵandar ustaldy

2020 jyldyń 25 shilde 2020 03:30

TÚRKІSTAN. QazAqparat – Túrkistan oblysy, Saryaǵash aýdanyndaǵy «Qaplanbek» keden beketinen kontrabandalyq jolmen pestıtsıdterdi alyp ótpek bolǵandardyń joly kesildi.

Ózbekstannan Qazaqstanǵa ótpek bolǵan kólikte qujaty joq 2 mln teńgeniń taýary tabylǵan, dep habarlaıdy QazAqparat tilshisi.

Túrkistan oblysy boıynsha Memlekettik kirister departamenti baspasóz qyzmetiniń málimetinshe, kedenshiler tún ishinde Ózbekstannan Qazaqstanǵa baǵyt alǵan avtokólikti teksergen. Ony skanerleý kezinde ishinde deklaratsııalanbaǵan taýar bolǵany anyqtalǵan. Jaýap alý barysynda kólik júrgizýshisi shekara arqyly «AKARA BIO preparatyn» (akarıtsıd) pestıtsıdterin zańsyz alyp ótpek bolǵanyn jetkizgen. Ondaǵy 50 qaptamanyń árqaısysynda bes lıtrlik 4 ydystan bolǵan. Zańsyz taýardyń quny 1 454 545 myń teńgeni quraǵan. Aıta keteıik, osydan birneshe kún buryn dál sol keden beketi arqyly taǵy bir Qazaqstan azamaty deklaratsııalanbaǵan temeki buıymdaryn alyp ótpek bolǵan edi.

«Kedendik tekserý kezinde Ózbekstanǵa baǵyt alǵan avtokólikten jasyrylǵan 600 qorap «Heets» temekisiniń stıkteri tabyldy. Qujattaryn tekserý kezinde Qazaqstan azamatynyń taýardy Reseı Federatsııasynan alyp kele jatqany anyqtalǵan. Bul faktiler boıynsha barlyq materıaldar tergeý is-sharalaryn júrgizý úshin quqyq qorǵaý organdaryna ótkizildi» delingen habarlamada.


Joǵary qaraı