Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan pandemııa kezinde suranysqa ıe bolǵan karavanıng-týrızm salasyn damytpaq

2020 jyldyń 28 shilde 2020 18:40

NUR-SULTAN. QazAqparat – «Kazakh Tourism» UK» AQ tóraǵasy Erjan Erkinbaev osy jyldyń qyrkúıek aıynda epıdemıologııalyq ahýal turaqtalǵan jaǵdaıda elde karavanıng-ekspedıtsııany uıymdastyrylatynyn málim etti, dep habarlaıdy QazAqparat tilshisi.

«Іndet taraǵaly beri demalýdyń áleýmettik qashyqtyq saqtalatyn túri retinde karavanıng-týrızm zor suranysqa ıe bolyp keledi. Máselen Qytaı men Reseıde avtoúıler men mototsıklderge degen suranys kezeginde 10 mıllıondaǵan adam tur. Al Eýropada 6 mıllıonǵa jýyq avtokerýen bar. Osy jyldyń qyrkúıek aıynda epıdemıologııalyq ahýal turaqtalǵan jaǵdaıda biz karavanıng-ekspedıtsııany uıymdastyrǵaly otyrmyz. Onyń maqsaty – kempıng, karavanıg pen avtotýrızmdi damytý úshin Jibek joly boıy baǵdaryn qalyptastyrý», - dedi Erjan Erkinbaev OKQ-da ótken baspasóz máslıhatynda.

Onyń aıtýynsha, Batys Eýropa – Batys Qytaı karavanıng-ekspedıtsııanyń baǵdary retinde tańdalyp alynǵan. Ekspedıtsııa Almaty oblysynan bastalyp, Túrkistan oblysynda aıaqtalady.

Eske sala ketsek, buǵan deıin QR Mádenıet jáne sport mınıstrliginiń Týrızm ındýstrııasy komıtetiniń tóraǵasy Dastan Rysbekov Alakól men Býrabaıǵa demalýǵa baratyn otbasynyń kem degende bir múshesinde PTR-test anyqtamasy bolýy kerektigin eske salǵan edi.

Onyń aıtýynsha, Qazaqstandaǵy barlyq kýrorttyq oryndarda osy jyldyń jazǵy týrıstik maýsymynyń sońyna deıin bos oryndar qalmaǵan.



Avtor Aıan Bekenuly
Basty sózder: Qoǵam, Týrızm,
Joǵary qaraı