Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Pfizer vaktsınasyn qosymsha satyp alady

2022 jyldyń 18 qańtar 2022 10:00

NUR-SULTAN. QazAqparat – Osy aıdyń sońyna deıin Spýtnık Laıt vaktsınasynyń 150 myń dozasy jetkiziledi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Halyqtyń barlyq toptary vaktsınatsııanyń bastapqy kýrsy aıaqtalǵannan keıin 6 aı ótken soń revaktsınatsııaǵa jatatynyn taǵy da eske salǵym keledi. Birinshi jartyjyldyqta 8 mln-ǵa jýyq adam qaıta vaktsınatsııalaýǵa jatady», - dedi Ajar Ǵınııat.

Onyń atap ótýinshe, qazirgi ýaqytta halyqtyń barlyq toptaryn revaktsınatsııalaý vaktsınanyń Sınofarm jáne Kazvak degen eki túrimen júrgizilýde. 60 jastan asqan adamdar, júkti áıelder men medıtsına qyzmetkerleri úshin Pfizer Komırnatı vaktsınasy qoldanylady.

«Mınıstrlik revaktsınatsııalaý úshin Kazvak, Sınofarm jáne (Pfizer) Komırnatı vaktsınalaryn qosymsha satyp alýdy josparlap otyr. Sondaı-aq qańtar aıynyń sońyna deıin «Spýtnık Laıt» vaktsınasynyń 150 myń dozasy jetkiziletin bolady», - dedi mınıstr.


Joǵary qaraı