Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan poıyzdarynda áıelderge arnalǵan vagondar bar

2021 jyldyń 12 qazan 2021 19:44

NUR-SULTAN. QazAqparat – «Qazaqstan temir joly» UK» aktsıonerlik qoǵamy jolaýshylar tasymaldaıtyn poıyzdarda áıelderge arnalǵan vagondarǵa bılet sata bastady, dep habarlaıdy QazAqparat aktsıonerlik qoǵamnyń resmı saıtyna silteme jasap.

«Jolaýshylar tasymaly» AQ bıletterdi elektrondyq satý júıesin turaqty túrde jetildirip otyrady. Bıylǵy jyldyń 10 qazanynan bastap kompanııa áıel adamdar úshin jol júrý qujattaryn (bıletterdi) resimdeý boıynsha jańa qyzmetti iske qosty.

Jobany iske asyrý úshin №77/78 «Almaty – Mańǵystaý» jáne №351/352 «Almaty-1 - Óskemen» jolaýshylar poıyzdarynda bir kýpe vagony iske qosyldy. BILET.RAILWAYS.KZ saıtynda nemese «Jolaýshylar tasymaly» AQ bılet kassalarynda temir jol bıletterin rásimdeý kezinde «JN» (áıelder) belgisi bolǵan jaǵdaıda bul vagon tek qana áıel jolaýshylarǵa (tolyqtaı vagonǵa) bılet satýǵa arnalǵandyǵyn bildiredi. Sondyqtan er adamdar poıyz bıletterin satyp alǵanda muqııat bolýy kerek. Bul rette atalǵan vagonǵa erip júretin adam bolǵan kezde 7 jasqa deıingi er balalardy resimdeýge ruqsat etiledi.

Birinshi reıske (№77 – 58p. poıyzy, №351– 34p. poıyzy) bıylǵy jyldyń 10-shy qazanynda áıelder vagonyna 92 jolaýshynyń jol júrý qujattary (bıletterin) rásimdeldi.

«Áıel jolaýshylar tarapynan osy qyzmetke suranys bolǵan jaǵdaıda kompanııa Qazaqstan ishindegi marshrýttardyń aýqymyn keńeıtýge jáne óz klıentteri tarapynan usynystarǵa daıyn»,-delingen Ulttyq kompanııa málimetinde.





Basty sózder: Qoǵam, Kólik,
Joǵary qaraı