Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdenti Arızona ýnıversıtetiniń delegatsııasyn qabyldady

2021 jyldyń 29 shilde 2021 19:04

NUR-SULTAN. QazAqparat - Qasym-Jomart Toqaev Arızona ýnıversıtetiniń (AQSh) delegatsııasymen kezdesti, dep habarlaıdy QazAqparat Aqordanyń baspasóz qyzmetine silteme jasap.

Kezdesý barysynda Arızona ýnıversıteti men otandyq joǵary oqý oryndary arasyndaǵy strategııalyq seriktestik, ǵylymı jáne akademııalyq damý máseleleri talqylandy.




Prezıdenttiń aıtýynsha, jahandaný úderisiniń álem elderindegi bilim berý saıasatyna tıgizetin áseri artyp keledi.

– Keıingi jıyrma jyl ishinde elimiz joǵary bilim berý salasyndaǵy halyqaralyq yntymaqtastyqty jandandyrdy. Qazaqstan men AQSh arasyndaǵy seriktestik qatynastar kóptegen salany qamtıdy. Ásirese, ǵylymı zertteý jáne stýdentter men oqytýshylar almasý salalaryndaǵy yqpaldastyq mańyzdy sanalady, – dedi Memleket basshysy.




Qasym-Jomart Toqaev álemniń jetekshi joǵary oqý oryndarymen baılanystardyń keńeıýi otandyq ýnıversıtetterdiń akademııalyq jáne zertteýshilik áleýetin arttyrýǵa múmkindik beretinin aıtty. Prezıdent Arızona ýnıversıtetiniń Qazaqstan Respýblıkasy Bilim jáne ǵylym mınıstrliginiń strategııalyq seriktesi bolý, sondaı-aq, bilim berý sapasyn birlese arttyrý jónindegi bastamasyna qoldaý bildirdi.




Amerıkalyq joǵary oqý ornymen yntymaqtastyq aıasynda óńirlik ýnıversıtetter bazasynda halyqaralyq standarttarǵa saı birlesken bilim baǵdarlamalary ázirlenedi.

Arızona ýnıversıtetiniń ókilderi Qazaqstannyń birqatar joǵary oqý oryndaryna bardy. Sonyń ishinde M.Qozybaev atyndaǵy Soltústik Qazaqstan ýnıversıteti strategııalyq seriktes retinde qarastyrylyp otyr.


Basty sózder: JOO-lar, Amerıka, Qazaqstan Prezıdenti,
Joǵary qaraı