Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdenti DDSU-nyń Dúnıejúzilik densaýlyq saqtaý assambleıasynyń arnaýly sessııasyna qatysty

2021 jyldyń 29 qarasha 2021 17:53

JENEVA. QazAqparat - Qazaqstan Prezıdenti DDSU-nyń Dúnıejúzilik densaýlyq saqtaý assambleıasynyń arnaýly sessııasyna qatysty, dep habarlaıdy QazAqparat Aqordaǵa silteme jasap.

Memleket basshysy Dúnıejúzilik densaýlyq saqtaý assambleıasy arnaýly sessııasynyń qatysýshylaryna iltıpat bildirip, COVID-19 pandemııasyna qarsy kúrestiń asa mańyzdy ekenin atap ótti. Arnaýly sessııa DDSU tarıhynda ekinshi ret ótkizilip otyr. Bul atalǵan problemanyń ózektiligin kórsetedi.

– DDSU qoǵamdyq densaýlyq saqtaý jolyndaǵy osy asa kúrdeli jahandyq kúreste jetekshi ról atqardy. Uıymǵa múshe memleketterdiń bári jáne olardyń densaýlyq saqtaý júıeleri aýyr jaǵdaıdy bastan ótkerdi jáne qıyndyq áli de jalǵasyp jatyr. Koronavırýstyń jańa ári qaýipti shtamdary álem boıynsha tez tarala bastaǵandyqtan, aldaǵy aptalarda COVID-19 indetin juqtyrǵandar sany aıtarlyqtaı ósedi. Jýyrda Ońtústik Afrıka ǵalymdary anyqtaǵan «Omıkron» shtamy jańa qaýip tóndirip otyr, – dedi Qasym-Jomart Toqaev.




Prezıdenttiń aıtýynsha, pandemııa halyqaralyq qatynastarda kóptegen kemshilikti anyqtaǵan. Sondaı-aq daǵdarystyń áleýmettik-ekonomıkalyq saldary barlyq deńgeıdegi áleýmettik qurylymdardy jan-jaqty qaıta zerdeleýge májbúrledi. Pandemııa yntymaqtastyqqa jáne bıologııalyq syn-qaterlerge qarsy is-qımyldardyń meılinshe tıimdi júıesine negizdelgen jańa jahandyq ádis kerek ekenin kórsetti.

– Eń aldymen, indet aldynda bizdi dármensiz qylǵan kemshilikterimizdi joıý qajet. Sondyqtan biz osy Arnaýly sessııaǵa bir ǵana maqsatpen, ıaǵnı DDSU konventsııasyn ázirleý qajettigi men onyń tetikterin nemese pandemııaǵa jáne oǵan tótep berýge daıyndyqty qamtamasyz etý jónindegi halyqaralyq qujatty qarastyrý úshin jınalyp otyrmyz. Daıyndyq jumystary men baıandamalary úshin Dúnıejúzilik densaýlyq saqtaý assambleıasynyń 74-otyrysynyń jumys tobyna alǵys aıtýǵa ruqsat etińizder. Qazaqstan pandemııaǵa daıyndyqty arttyrýǵa jáne tıisti sharalardy qabyldaýǵa baǵyttalǵan DDSU konventsııasyna joldanǵan usynystardy qoldaıdy, – dedi Memleket basshysy.




Qasym-Jomart Toqaev Qazaqstannyń DDSU-ny tolyq qoldaıtynyn atap ótip, bul uıymdy senimdi áriptes retinde qarastyratynyn aıtty. Memleket basshysy álemdik qaýymdastyqtyń koronavırýsqa qarsy kúresine Uıymnyń Bas dırektorynyń qosqan jeke úlesin joǵary baǵalady.

– Qazirgi pandemııa densaýlyq saqtaý salasyndaǵy erekshe tótenshe jaǵdaı bolyp sanalmaıdy. Daǵdarys memleketterdiń jáne ulttyq densaýlyq saqtaý júıeleriniń ishki qurylymdyq kemshilikterin kórsetip qana qoımaı, jahandyq deńgeıdegi kúrdeli ári qordalanǵan teńsizdikterdi aıqyndap berdi. Sondyqtan Qazaqstan vaktsınalardyń álem boıynsha ádil taratylýyn qoldaıdy jáne oǵan belsendi túrde atsalysady. Biz 2022 jyldyń ortasyna qaraı jahandyq vaktsınalaýdy qamtamasyz etý jónindegi DDSU-nyń COVID-19 indetine qarsy strategııasyn tolyq qoldaımyz, – dedi Prezıdent.




Memleket basshysy jıyn qatysýshylaryna QazVac vaktsınasynyń ázirlenýi jáne onyń jańa «Delta» shtamyna qarsy sátti modıfıkatsııalanǵany jóninde aıtty. Qazaqstandyq vaktsına óziniń tıimdiligin elimizde ǵana emes, Ortalyq Azııanyń basqa da memleketterinde dáleldedi.

– Kez kelgen aýyl nemese qaladaǵy sııaqty jahandyq deńgeıdegi bizdiń órkendeýimiz, ıgiligimiz densaýlyq jaǵdaıymyzǵa baılanysty. Al bizdiń densaýlyǵymyz yntymaqtastyqqa jáne ortaq syn-qaterge úılesimdi tótep berýge baılanysty. Men barlyq eldi kózdelgen maqsatqa qol jetkizý úshin Dúnıejúzilik densaýlyq saqtaý uıymy aıasyna birigýge shaqyramyn, – dedi Qasym-Jomart Toqaev.





Joǵary qaraı