Aýa raıy
Astana 19 °S
Almaty 30 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstan Prezıdenti Irannyń Syrtqy ister mınıstrin qabyldady

2019 jyldyń 12 qarasha 2019 17:33

NUR-SULTAN. QazAqparat - Qazaqstan Prezıdenti Qasym-Jomart Toqaev «Aqorda» rezıdentsııasynda «Astana Club» halyqaralyq pikirtalas alańyna qatysý úshin Nur-Sultan qalasyna kelgen Iran Islam Respýblıkasynyń Syrtqy ister mınıstri Muhammed Djavad Zarıfti qabyldady. Bul týraly Aqordadan málim etti, dep habarlaıdy QazAqparat.

Taraptar ekijaqty yntymaqtastyqtyń qazirgi ahýaly men perspektıvasyn, sondaı-aq, óńirlik jáne halyqaralyq kún tártibindegi ózekti máselelerdi talqylady.

Memleket basshysy bıylǵy qazan aıynda Erevanda ótken Joǵary Eýrazııalyq ekonomıkalyq keńes aıasynda Prezıdent Hasan Rýhanımen tabysty kelissóz júrgizgenin aıtty. Qazaqstan Prezıdenti ırandyq áriptesiniń Nur-Sultan qalasyna ózine yńǵaıly ýaqytta saparmen kelýin kútetinin jetkizdi.

Muhammed Djavad Zarıf Qasym-Jomart Toqaevqa Qazaqstan astanasynda ózine kórsetilgen qonaqjaılylyq úshin alǵys aıtty.

Irannyń Syrtqy ister mınıstri «Astana Club» jumysynan alǵan áserimen bólise otyryp, Qazaqstannyń Tuńǵysh Prezıdenti Nursultan Nazarbaevtyń forýmnyń plenarlyq otyrysyndaǵy baıandamasyn jáne jıynnyń syndarly atmosferasyn joǵary baǵalady.




Joǵary qaraı