Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdenti Shavkat Mırzıeevti týǵan kúnimen quttyqtady

2020 jyldyń 24 shilde 2020 15:46

NUR-SULTAN. QazAqparat - Memleket basshysy Qasym-Jomart Toqaev Ózbekstan Prezıdenti Shavkat Mırzıeevpen telefon arqyly sóılesti, dep habarlaıdy Aqorda.

Qasym-Jomart Toqaev Shavkat Mırzıeevti týǵan kúnimen quttyqtap, jaýapty memlekettik qyzmetine tabys, al Ózbekstan halqyna baq-bereke tiledi.

Memleket basshysy Ózbekstan Prezıdentiniń ǵasyrlar boıy qalyptasqan dostyqqa, baýyrlastyqqa jáne tatý kórshilikke negizdelgen eki jaqty strategııalyq seriktestikti damytýǵa qosqan úlesin joǵary baǵalady.

Qasym-Jomart Toqaev eki eldiń qıyn-qystaý kezeńde bir-birine qoldaý kórsetkenin shynaıy baýyrlastyq qatynastardyń úlgisi retinde atap ótti. Osy rette Qasym-Jomart Toqaev Shavkat Mırzıeevke Sardoba sý qoımasyndaǵy apat saldarynan zardap shekken Túrkistan oblysyna kórsetken kómegi úshin rızashylyǵyn bildirdi. Sonymen qatar Qazaqstan Respýblıkasynyń Úkimeti Ózbekstannyń Syrdarııa oblysyndaǵy zardap shekken aýdan turǵyndaryna azyq-túlik taýarlaryn jiberý jóninde sheshim qabyldaǵanyn jetkizdi.

Áńgimelesý sońynda taraptar aımaqtaǵy epıdemıologııalyq ahýal jaıynda aqparat almasyp, COVID-19 indetimen jáne onyń saldarymen kúrestegi is-qımyldardy jalǵastyra berýge nıetti ekenin bildirdi.

Joǵary qaraı