Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdenti ShYU boıynsha áriptesterdi AHQO áleýetin belsendi paıdalanýǵa shaqyrdy

2021 jyldyń 17 qyrkúıek 2021 14:06

NUR-SULTAN. QazAqparat – Qazaqstan Prezıdenti Qasym-Jomart Toqaev ShYU boıynsha áriptesterdi «Astana» halyqaralyq qarjy ortalyǵy áleýetin belsendi túrde paıdalanýǵa shaqyrdy, dep habarlaıdy QazAqparat tilshisi.

«Poskovıdti qalpyna kelý protsesteri bizge ShYU keńistiginde saýda-ekonomıkalyq ózara is-qımyl salasynda jumystardyń jaǵdaıyn qaıta pysyqtaýǵa biregeı múmkindik beredi. Bul turǵydaǵy másele óńiraralyq yntymaqtastyqtyń jekelegen kórsetkishterin tek qalpyna keltirý qadamdarynan aýqymdy bolyp tur. Osy oraıda makrotendentsııaǵa taldaý jasap, táýekelderdi baǵalap, osynyń negizinde júıeli sheshimder qabyldaý kerek», - dedi Q. Toqaev Dýshanbedegi Shanhaı yntymaqtastyq uıymyna múshe memleketter basshylary keńesiniń otyrysynda.

Osy oraıda Prezıdent uıymnyń hatshylyǵyna ShYU-nyń ekonomıkalyq, analıtıkalyq ortalyqtary konsortsıýmymen birlese tıisti jumysty júrgizip, aldaǵy sammıtke ózderiniń usynystaryn tanystyrýdy tapsyrý kerek ekenin aıtty. Memleket basshysynyń paıymynsha, tájirıbelik keńistikte kelisilgen birlesken ekonomıkalyq jobalardy jyldamdatyp iske asyrý úshin biryńǵaı qarjylyq tetikterdi tezirek iske qosýdy qamtamasyz etý mańyzdy. «Qarjy naryǵy men qarjy tehnologııalaryn damytý da ShYU aıasynda ózara is-qımylda mańyzdy ári tıimdi baǵyttar bolyp sanalady. ShYU boıynsha áriptesterdi «Astana» halyqaralyq qarjy ortalyǵy áleýetin belsendi túrde paıdalanýǵa shaqyramyz. Qazirgi kezde osy ortalyq qarqyndy qarjy alańyna aınalyp otyr», - dedi Prezıdent.

Bul turǵyda Qasym-Jomart Toqaev Qazaqstan atalǵan ortalyq aıasynda ekijaqty ári kópjaqty yntymaqtastyqtyń túrli formattaryn usyna alatynyn atap ótti.


Joǵary qaraı