Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdenti Vladımır Pýtınmen telefon arqyly sóılesti

2020 jyldyń 7 qazan 2020 16:45

NUR-SULTAN. QazAqparat - Qazaqstan Prezıdenti Qasym-Jomart Toqaev Reseı Prezıdenti Vladımır Pýtınmen telefon arqyly sóılesti, dep habarlaıdy Aqorda.

Memleket basshysy Reseı Prezıdentin týǵan kúnimen quttyqtady. Qasym-Jomart Toqaev Reseı Federatsııasy Vladımır Pýtınniń basshylyǵymen áleýmettik-ekonomıkalyq damý boıynsha aıtarlyqtaı tabysqa jetkenin, bedeldi memleket mártebesine ıe bolǵanyn, sondaı-aq, álemdik jáne óńirlik máselelerdi Reseısiz sheshý múmkin emestigin atap ótti.

Qasym-Jomart Toqaev Qazaqstan men Reseı arasyndaǵy yntymaqtastyqty nyǵaıtýǵa jáne ózara túsinistikti kúsheıtýge zor úles qosqany úshin reseılik áriptesine rızashylyǵyn bildirdi.

Áńgime barysynda eki memlekettiń koronavırýs pandemııasymen kúrestegi is-qımyldaryn úılestirýdiń mańyzdy ekeni sóz boldy.

Taraptar Taýly Qarabaq tóńiregindegi áskerı qaqtyǵystarǵa qatysty ahýaldy talqylady. Sonymen qatar Qyrǵyzstandaǵy oqıǵa jóninde pikir almasty. Memleketter basshylary baýyrlas elderdegi qoǵamdyq-saıası jaǵdaıdyń tezirek turaqtanatynyna úmittenetinin aıtty.

Áńgime sońynda Qasym-Jomart Toqaev Vladımır Pýtınge zor densaýlyq jáne Reseıdiń ıgiligi jolyndaǵy qyzmetine jańa tabys tiledi.



Joǵary qaraı