Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdentin birqatar memleket basshylary Ramazan aıynyń bastalýymen quttyqtady

2021 jyldyń 17 sáýir 2021 15:29

NUR-SULTAN. QazAqparat - Memleket basshysy Qasym-Jomart Toqaevtyń atyna qasıetti Ramazan aıynyń bastalýyna oraı shet memleketterdiń basshylarynan jáne halyqaralyq uıymdardyń jetekshilerinen quttyqtaý hattar men jedelhattar kelip túsýde.

Bul týraly QazAqparat Aqordanyń resmı saıtyna silteme jasap habarlaıdy.

Ózbekstan Prezıdenti Shavkat Mırzıeev jedelhatynda Qasym-Jomart Toqaevqa uzaq ómir, zor densaýlyq jáne onyń asa jaýapty qyzmetine tabys tilep, baýyrlas Qazaqstan halqynyń ósip-órkendeı berýine nıettestik bildirgen. Sondaı-aq Shavkat Mırzıeev eki el arasyndaǵy qarym-qatynastardyń qarqyndy damyp kele jatqanyn atap ótken.

«Eki el arasyndaǵy tatý kórshilikke, jaqyn dostyqqa, ózara qurmetke jáne qoldaý kórsetýge negizdelgen strategııalyq seriktestik ortaq saıası erik-jigerimizdiń arqasynda sońǵy jyldary múlde jańa deńgeıge kóterilgeni kúmánsiz. Bizdiń tabysty baılanystarymyz ben uzaqmerzimdi seriktestigimiz odan ári damı beretinine senimdimin», – delingen Ózbekstan basshysynyń jedelhatynda.

Saýd Arabııasynyń Koroli Salman ben Ábdelázız Ál Saýd jáne Saýd Arabııasy Koroldiginiń Taq murageri Muhammed ben Salman ben Ábdelázız Ál Saýd ózderiniń jedelhattarynda Qazaqstan Prezıdentin qasıetti Ramazan aıynyń bastalýymen quttyqtap, oǵan zor densaýlyq jáne baqyt tilegen, sondaı-aq, baýyrlas Qazaqstan halqynyń odan ári ósip-órkendeı berýine tilektestik bildirgen.

Sonymen qatar Qazaqstan Prezıdentine Qatar Ámiri Sheıh Tamım ben Hamad Ál Tánı, Iordanııa Koroli II Abdalla, Oman Sultany Haısam Ben Tarıq, Kýveıt Ámiri Sheıh Navaf ál-Ahmad ál-Djaber Ás-Sabah, Kýveıttiń Taq murageri Mıshal ál-Ahmed ál-Djaber Ás-Sabah, Bahreın Koroli Hamad ben Isa Ál Halıfa, Marokko Koroli VI Muhammed, Egıpet Prezıdenti Ábdel Fattah Ás-Sısı, Irak Prezıdenti Barham Saleh, Palestına Prezıdenti Mahmýd Abbas, Qatar Sheıhiniń orynbasary Abdalla Ben Hamad Ál Tánı jáne Islam yntymaqtastyǵy uıymynyń Bas hatshysy ıÝsef ál-Oseımın ózderiniń quttyqtaý hattaryn joldady.


Basty sózder: Aqorda, Oraza, Din, Qazaqstan Prezıdenti,
Joǵary qaraı