Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Shvetsııamen EQYU-ǵa tóraǵalyq etý tájirıbesimen bólisýge daıyn - mınıstr

2020 jyldyń 28 qyrkúıek 2020 20:38

NUR-SULTAN. QazAqparat – Búgin Qazaqstannyń Syrtqy ister mınıstri Muhtar Tileýberdi Shvetsııa Koroldiginiń Syrtqy ister mınıstri Anna Krısten Lındemen kelissózder júrgizdi. Telefon arqyly sóılesý Shved tarapynyń bastamasymen ótti. QazAqparat bul týraly QR SІM-ge silteme jasap habarlaıdy.

Mınıstr áriptesin Shvetsııanyń EQYU-ǵa aldaǵy tóraǵalyq etýimen quttyqtap, qazaqstandyq taraptyń uıymǵa tóraǵalyq etý tájirıbesimen bólisýge daıyn ekenin jetkizdi. Óz kezeginde Shved tarapy EQYU-nyń bolashaq is-sharalarynyń kún tártibindegi máselelerdi talqylaýǵa qyzyǵýshylyq tanytty.

Jalpy, SІM basshylary basqa da halyqaralyq alańdardaǵy, onyń ishinde eki eldiń BUU Qaýipsizdik Keńesine 2017-2018 jyldardaǵy turaqty emes músheliginiń tuspa-tus kelgen kezeńindegi saıası ózara is-qımyldyń oń tájirıbesin atap ótti. Sonymen qatar, taraptar Qazaqstan men Eýropalyq odaq arasyndaǵy Keńeıtilgen áriptestik pen yntymaqtastyq týraly jańa kelisimdi iske asyrý aıasynda belsendi ózara is-qımyl jasaýǵa daıyn ekendikterin bildirdi.

Investıtsııalyq jáne saýda-ekonomıkalyq yntymaqtastyqty keńeıtý qajettigi turǵysynan mınıstrler eki el bıznesiniń energetıka, aqparattyq-kommýnıkatsııalyq tehnologııalar, densaýlyq saqtaý jáne ken óndirý salasynda yntymaqtastyqty jolǵa qoıýǵa ózara qyzyǵýshylyǵynyń ósip kele jatqanyn atap ótti.

Taraptar, sondaı-aq, bilim berý jáne mádenı-gýmanıtarlyq yntymaqtastyqty odan ári nyǵaıtýǵa múddeliligin rastady.



Joǵary qaraı