Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan SOR26 aıasyndaǵy mindettemelerin ýaqytyly oryndaıdy - Asqar Mamın

2021 jyldyń 3 jeltoqsan 2021 17:21

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen ótken Investıtsııalyq ahýaldy jaqsartý jónindegi keńes otyrysynda jańartylatyn energııa kózderin damytý jáne SOR26 klımattyń ózgerýi jónindegi jahandyq sammıttiń qorytyndysy boıynsha Qazaqstannyń mindettemelerin oryndaý aıasynda QR-nyń tómen kómirtekti ekonomıkaǵa kóshýi máseleleri qaraldy, dep habarlaıdy primeminister.kz.

«Jasyl ekonomıkany» damytý jáne jańartylatyn energııa kózderine sheteldik ınvestıtsııalardy tartý perspektıvalary týraly QR Amerıkalyq saýda palatasynyń atqarýshy dırektory Dorıs Bredbıýrı, Halyqaralyq ekonomıkalyq agenttiktiń atqarýshy dırektory Fatıh Bırol, Halyqaralyq valıýta qory Eýrazııa bóliminiń basshysy Nıkolas Blanshe, EYDU salyq saıasaty ortalyǵynyń dırektory Paskal Sent-Aman, EQDB-nyń Qazaqstan boıynsha dırektory Hýseın Ozhan, Italııanyń QR-daǵy elshisi Marko Albertı, Nıderlandynyń QR-daǵy elshisi Andre Karstens, sondaı-aq EY, Eni jáne t.b. kompanııalardyń ókilderi baıandama jasady.

Ekologııa, geologııa jáne tabıǵı resýrstar mınıstri Serikqalı Brekeshev, energetıka mınıstri Maǵzum Myrzaǵalıev, ulttyq ekonomıka mınıstri Áset Erǵalıev qabyldanyp jatqan sharalar týraly aqparat berdi.

Ekonomıkany dekarbonızatsııalaý protsesiniń uıymdastyrýshylyq, zańnamalyq jáne qarjylyq aspektileri, shyǵaryndylardy azaıtý boıynsha ulttyq deńgeıde aıqyndalǵan Qazaqstannyń jańartylǵan úlesin is júzinde júzege asyrý, energetıkalyq teńgerimdi ońtaılandyrý jáne jańartylatyn energııa kózderin jáne jalpy «jasyl» ekonomıkany damytýǵa salynatyn ınvestıtsııalar kólemin odan ári ulǵaıtý máseleleri talqylandy.

Úkimet basshysy Shotlandııanyń Glazgo qalasynda ótken BUU klımattyń ózgerýi jónindegi negizdemelik konventsııasynyń (SOR26) álemdik kóshbasshylarynyń sammıtinde Qazaqstan 2030 jylǵa qaraı jańartylatyn energııa kózderinen alynatyn energııa kólemin 3%-dan 15%-ǵa deıin bes ese ulǵaıtý, 2 mlrd-tan astam aǵash otyrǵyzý esebinen kómirtekti sińirý áleýetin arttyrý, sondaı-aq 2060 jylǵa qaraı QR-nyń kómirtegi beıtaraptylyǵyna qol jetkizýin qamtamasyz etý maqsatyn jarııalaǵanyn atap ótti.

Premer-Mınıstr Qazaqstan balamaly energetıkany damytý salasyna sheteldik kapıtal men ozyq tehnologııalardy tartý úshin ınvestıtsııalyq ortany jaqsartý jóninde birqatar shara qabyldaǵanyn atap ótti.

Sonyń nátıjesinde, 2020 jyly jańartylatyn energetıka salasynda jalpy qýaty shamamen 600 MVt bolatyn 25 joba paıdalanýǵa berildi. Investıtsııa kólemi $510 mln asty. 2021 jyldyń qorytyndysy boıynsha $445 mln ınvestıtsııa tarta otyryp, jalpy qýaty 450 MVt bolatyn 22 joba iske qosylady.

Aldaǵy tórt jyl ishinde jalpy qýaty 2400 MVt jáne ınvestıtsııalar kólemi $2,5 mlrd asatyn JEK-tiń 60-tan astam jańa jobasyn paıdalanýǵa berý josparda bar.

A. Mamın energetıka sektoryn jańǵyrtýǵa jáne QR jańartylatyn energııa kózderin damytýǵa salynatyn ınvestıtsııalardyń odan ári ósýine bıyl 1 jeltoqsanda Dýbaı qalasynda «Samuryq-Qazyna» AQ men Abu Dhabi Developmental Holding Company (ADQ) táýelsiz qory arasyndaǵy strategııalyq yntymaqtastyq týraly kelisimge, sondaı-aq QR-da jalpy qýaty 4 GVt kún jáne jel elektr stantsııalaryn salý jónindegi ınvestıtsııalyq qujattarǵa qol qoıý yqpal etetinin atap ótti.

«2030 jylǵa qaraı Qazaqstanda jalpy qýaty 9 GVt quraıtyn jańartylatyn energetıkanyń 180-nen asa jobasyn iske qosý josparlanyp otyr. Bizdiń elimiz SOR26 sheńberinde óz mindettemelerin ýaqytyly oryndaıtynyna kúmán joq», — dedi A. Mamın.


Joǵary qaraı