Aýa raıy
Astana 12 °S
Almaty 17 °S
valıýta baǵamy
USD 389.59
EUR 429.06
RUB 6.05
CNY 55.07

Qazaqstan sotynan Ýkraınada jasyrynyp júrgen kúdiktiler sany belgili boldy

2019 jyldyń 18 qyrkúıek 2019 10:45

NUR-SULTAN. QazAqparat – Parlament Májilisiniń jalpy otyrysynda «Qazaqstan men Ýkraına arasyndaǵy ekstradıtsııalaý týraly shartty ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Qazaqstan men Ýkraına arasyndaǵy ekstradıtsııalaý týraly shart 2018 jyly qazanda elordada jasaldy.

QR Bas prokýrorynyń orynbasary Marat Ahmetjanovtyń aıtýynsha, bul shart qylmystyq jaýapqa tartý jáne sot úkimin oryndaý úshin adamdardy ustap berý máselesin sheshedi. Shart boıynsha jasalǵan qylmys úshin eki elde de keminde bir jylǵa bas bostandyǵynan aıyrý kózdelgen bolsa nemese sottalǵan adamnyń ótelmegen merzimi 6 aıdan kóp bolsa ol ustap beriledi. Árıne, adamdy berýden bas tartý negizderi de kózdelgen. Mysaly, bir tarapta qylmys dep sanalatyn áreket ekinshi jaqta olaı bolmasa nemese qýdalaý merzimi ótip ketse, suralyp otyrǵan áreket áskerı qylmysqa jatsa, ustap berý egemendik pen ulttyq qaýipsizdikke nuqsan keltiretin bolsa, sondaı-aq Qazaqstannyń zańnamasyna nemese halyqaralyq mindettemelerge qaıshy kelse.

«Sońǵy úsh jylda Ýkraına bizge 6 qylmyskerdi ustap berdi. Qazir atalǵan elde jasyrynyp júrgen 6 adam bar. Olardy qaıtarý qaralyp jatyr. Búginde eki el arasynda bul másele Mınsk konventsııasymen rettelýde. Konventsııa ekijaqty shart jasaýǵa tyıym salmaıdy», - dedi M. Ahmetjanov.

Onyń atap ótýinshe, osy tektes qujattar 21 elmen bekitilgen. Jaqynda Malaızııa, Grekııa, Kıprmen osyndaı kelisimge qol qoıý josparlanýda.


Avtor Rýslan Ǵabbasov
Basty sózder: Zań, Parlament,
Joǵary qaraı