Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qazaqstan sportyn transformatsııalaý» jobalyq keńsesi quryldy

2021 jyldyń 1 qyrkúıek 2021 13:28

NUR-CULTAN. QazAqparat – Elimizde «Qazaqstan sportyn transformatsııalaý» jobalyq keńsesi quryldy, dep habarlaıdy QazAqparat MSM silteme jasap.

Mádenıet jáne sport mınıstri Aqtoty Raıymqulovanyń bastamasymen qurylǵan jobalyq keńseni basqarýǵa Qambar Omarov taǵaıyndaldy.

Oǵan QR Mádenıet jáne sport mınıstrliginiń Sport jáne dene shynyqtyrý isteri komıteti, sondaı-aq Tursynǵalı Edilov, Vasılıı Jırov, Aleksandr Vınokýrov, Eldos Smetov, Islam Baımuhanova, ıÝrıı Melnıchenko, Aıdar Mahmetov, Baqtııar Artaev syndy ataqty sportshylar men jattyqtyrýshylar kirdi. Komandanyń quramynda 55 adam bar.

Jobanyń maqsaty – salaýatty ári sportpen aınalysatyn ultty jańǵyrtý.

Mádenıet jáne sport mınıstri Aqtoty Raıymqulova jobalyq keńseniń tanystyrylymynda sóz alyp, Tokıoda ótken Olımpıadanyń nátıjesin úzdik deýge áli erte ekenin aıtty.

«Qazir bárimiz de kútiletin nátıje men suranystyń artqanyn sezinemiz. Degenmen qaı-qaısymyz da sporttyq áleýetimiz bar ekenine senimdimiz, ony tek damytý qajet», – dedi mınıstr.

Aqtoty Raıymqulova eń aldymen ár sport túrine tereń taldaý qajet ekenin de aıtyp, nazardan tys qaldyrǵan joq.

«Biz Olımpıadada nelikten tómen nátıje kórsetkenimizdi, onyń naqty sebebin anyqtaýymyz kerek. Taldaý nátıjelerine súıene otyryp, Qazaqstanda sporttyń tolyq transformatsııasyn qalaı tıimdi qurý bolatynyn túsinemiz. Biz úlken maqsat- mindetterdi belgiledik, endi olardy bárimiz birge júzege asyrýymyz kerek. Óz qyzmetimizdiń aspektilerin jaqsartý úshin áreketke kóshýimiz qajet», – dedi mınıstr.

Budan ári qaraı mınıstr naqty usynystaryn aıtty.

«Bizge adamnyń ál-aýqaty men densaýlyǵyna nuqsan kelmeıtindeı tutas transformatsııa qajet, jańa tehnologııalardy qoldanýymyz kerek», – dep túıindedi mınıstr.

«Qazaqstan sportyn transformatsııalaý» jobalyq keńsesiniń úılestirýshisi, ulttyq jobalyq keńseniń jetekshisi Arman Evnıev jobalardy basqarýdyń jaı ǵana qural ekenin, bul óz aldyna jeke maqsat emes ekenin aıtty.




«Jobalyq menedjment – maqsatyna halyq densaýlyǵy, buqaranyń kópshilik dene shynyqtyrýy, sporttaǵy joǵary jetistikter kiretin qural. Negizinde bul – yntalandyrý. Biz jobany basqarýdy qural retinde qarastyramyz, al jobalyq keńse – bul bári ashyq ótetin aıqyn alań. Biz alǵa qoıylǵan maqsattardy kelisip, alǵa júrip kelemiz. Bul – 2025 jylǵa deıingi qoǵamdy damytýdyń ulttyq josparyn júzege asyrýdyń quraly. Endigi mindet – qoǵam men memlekettiń ózara árekettesýin uıymdastyrý. Iá, aqsha bólingende, tıimdiliktiń negizgi kórsetkishteri shyqqan kezde artta qalýshylyq boldy, degenmen tutastaı alǵanda bytyrańqylyq boldy.

Jobalyq menedjment bizge naqty portfel – baǵdarlama týraly túsinik beredi. Mysaly, joǵary jetistikter sportyn alaıyq, munda ár baǵdarlama jobalar tobyna bólinedi. Biraq biryńǵaı strategııa bar jáne ár joba, saıyp kelgende, birtutas pazlǵa aınalady. 10 strategııalyq basymdyq jáne 18 ındıkator bar.

Ortalyq jáne jergilikti memlekettik organdardyń damý josparlary. Mundaı tıptik qurylym árbir ortalyq jáne jergilikti organda bar. Barlyq mınıstrlik, barlyq agenttik osy qurylymmen jumys isteıdi. Tıptik ereje bar. Joǵarydan jáne ár aýylǵa deıin barlyq másele qaralady. Normatıvtik baza bar jáne sol boıynsha jumys isteý qajet. Ákimniń ár orynbasary ózine senip tapsyrylǵan ındıkatorǵa jaýap beredi.

Mine, jobany basqarýdyń revolıýtsııalyq ádisi – skram-grafık. Aptalyq sprınt qoldanylady. Aptasyna bir ret biz barlyǵymen baılanysqa shyǵamyz. Qazaqstanda 160 federatsııa bar, jobalyq keńsege biz tek olımpıadalyq sport túrleri boıynsha engizdik. Bul HQKO sııaqty jumys isteıdi, biz zańnamalyq tetikterdi, qarjylandyrýdy ázirleımiz.

Depýtat Irına Smırnova sózden góri naqty isterge kóshý kerek degen ustanymyn bildirdi.




«Biz damýdyń qaı tusynda ekenimizdi naqty bilýimiz kerek! SWOT taldaýyn jasaý qajet. Balalar sportynda bizde sybaılas jemqorlyq, alaıaqtyq damyp jatqanyn jáne ol aqsha usynatyn ata-analardyń esebinen jumys isteıtinin moıyndaý kerek. Eger Almaty qalasy boıynsha buryn 36 balalar mektebi bolsa, qazir olardyń onynda ǵana óz ǵımaraty bar, qalǵandary jalǵa berilgen. Bir jalǵa alýshy ekinshisine, ol úshinshi jalǵa alýshyǵa beredi. Basseınder de jalǵa beriledi. Sybaılas jemqorlyq barlyq sport túrin sharpydy. Italııalyqtar Taldyqorǵanda 20 mlrd teńgege halyqaralyq deńgeıdegi basseın saldy, alaıda shyn máninde talapqa saı emes. Tramplındermen de solaı. Shynaıy ómir súrýimiz kerek – biz sııaqty aqsha jumsamaǵan Qyrǵyzstannyń qalaı óner kórsetkenin qarańyzdar. Bizdiń bapkerler ketken Ózbekstan, olarǵa laıyqty deńgeıdi qamtamasyz ete almadyq, kóptegen qatelikter jiberdik. Memlekettik aqsha quıý marafonyn jasap kettik. Memleket barlyǵyn qarjylandyrýy mindetti emes! Azamattyq qoǵamǵa súıený kerek! Men jeke sport mektepterin qoldaımyn», – dep túıindedi depýtat I. Smırnova.

«Qazaqstan sportyn transformatsııalaý» jobasynyń jetekshisi, CSI group konsaltıng kompanııasynyń basqarýshy seriktesi, «QazAqparat» dırektorlar keńesiniń múshesi, MSM jobalyq keńsesiniń ahýaldyq-taldaý ortalyǵynyń basshysy Qambar Omarov aqshanyń qaıda túsip jatqanyn anyqtaý qajettigine nazar aýdardy. Onyń pikirinshe, strategııalyq basqarýdy engize otyryp, zańnamany jetildirý qajet. Búginde 7 baǵyt ázirlendi.

Vista sport klýby JShS bas dırektory Aleksandr Raznıkovtyń aıtýynsha, jekemenshik sport mektepterin kóbirek ashý kerek. Onyń mektebinde balalar tegin fýtbol, basketbol oınap, taýǵa órmeleýge jattyǵady. Aleksandr Raznıkov jasóspirimder sportynda jetistikter bolýyn mindetteý kerek dep sanaıdy.

Ol sondaı-aq ınfraqurylym máselesin qozǵady. Infraqurylymnyń joq ekenin alǵa tartty. Kóptegen balalar men jasóspirimder sport mektepteri irikteýden ótpegen balalardy qabyldaıdy.

Talqylaý barysynda taǵy birneshe usynys kelip tústi. Olardyń birin Damý strategııasy men syrtqy baılanystar jónindegi jobalar tobynyń jetekshisi, Qoldanbaly etnopolıtıkalyq zertteýler ınstıtýtynyń dırektory, QR Prezıdenti janyndaǵy Ulttyq qoǵamdyq senim keńesi múshesi, saıasat ǵylymdarynyń kandıdaty Talǵat Qalıev aıtty.




Ol demalys kúnderi de fıtnes-klýbtardyń jumys isteýin usyndy. Onyń pikirinshe, eńbek pen qorǵanysqa daıyndyq normalaryn qaıta jańǵyrtyp, jappaı sportpen aınalysýǵa yntalandyrý qajet. Belgi ıegerleri úshin ýnıversıtetke grant alý kezinde artyqshylyqtardy qarastyrý da kerek. Budan ári Talǵat Qalıev medıtsınalyq saqtandyrýdyń paıdalanylmaǵan aqshasyn turmysy tómen otbasylardan shyqqan balalardyń sportpen shuǵyldanýy úshin jeke sport klýbtaryna kómekke jiberýdi usyndy.

QR UOK Ulttyq sport túrleri dırektsııasynyń basshysy Elsııar Qanaǵatov 2018 jyly barlyq óńir boıynsha problemalarǵa jáne olardy sheshý joldaryna taldaý júrgizilgenine nazar aýdardy.

«Biz buqaralyq sport pen sport rezervterin damytýǵa múddelimiz. Nege biz aýyldyq jerde sportshylardy daıyndaıtyn, aýyldyq jarystar ótkizetin respýblıkalyq aýyldyq klýb qurmaımyz?» – dedi ol.





Joǵary qaraı