Aýa raıy
Astana 7 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Taıland pen Grýzııaǵa avıareısterdi qaıta jandandyrmaq

2020 jyldyń 5 tamyz 2020 17:36

NUR-SULTAN. QazAqparat - Qazaqstan 10 tamyzdan bastap Taıland pen Grýzııaǵa avıareısterdi qaıta jandandyrmaq. Bul týraly QR Indýstrııa jáne ınfraqurylymdyq damý mınıstrligi Avtomobıl joldary komıtetiniń tóraǵasy Saıranbek Barmaqov aıtty, dep habarlaıdy QazAqparat tilshisi.

«Koronavırýs indetiniń taralýyna baılanysty áýe tasymaly toqtatylǵan sátke deıin Qazaqstan 26 shet memleketpen 99 halyqaralyq baǵyt boıynsha áýe qatynasynda boldy. Osy jyldyń 1 mamyrynan bastap QR Prezıdentiniń tapsyrmasyn oryndaý úshin tótenshe jaǵdaı rejımin qamtamasyz etý jónindegi memlekettik komıssııa aıasynda ishki avıareıster kezeń-kezeńmen qaıta jandandyryldy. Qazirgi kezde ishki áýe reısteri tolyǵymen qalpyna keltirilgen», - dedi komıtet tóraǵasy Ortalyq kommýnıkatsııalar qyzmetindegi baspasóz máslıhatynda.

Sonymen qatar ol búgingi tańda 15 ishki avıabaǵdar sýbsıdııalanatyndyǵyn aıtty.

«Vedomstvoaralyq komıssııanyń aǵymdaǵy jylǵy 11 maýsymdaǵy sheshimine sáıkes mınıstrlik Túrkııamen jáne Ońtústik Koreıamen Halyqaralyq avıareısterdi qaıta bastaý máselesin pysyqtady. Osy jyldyń 10 tamyzynan bastap Taıland pen Grýzııaǵa avıareısterdi qaıta jandandyrý josparlanýda. Ushýlar kóliktegi bas sanıtar dárigerdiń qaýlysyna sáıkes sanıtarlyq qaýipsizdiktiń joǵary sharalary jaǵdaıynda oryndalady», - dedi Saıranbek Barmaqov.


Joǵary qaraı