Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan táýelsizdik jyldary neshe ret Aza tutý kúnin jarııalady

2022 jyldyń 10 qańtar 2022 09:30

NUR-SULTAN. QazAqparat – Qazaqstan táýelsiz memleket bolǵaly neshe ret Aza tutý kúnin jarııalady? QazAqparat el tarıhyndaǵy qaraly datalarǵa sholý jasaǵan edi.

2006 jyl, 22 qyrkúıek. Lenın (Shahtınsk) atyndaǵy shahtadaǵy qaıǵyly jaǵdaı.

2006 jyldyń 20 qyrkúıeginde Qaraǵandy oblysynyń Shahtınsk qalasyndaǵy Lenın atyndaǵy shahtada bolǵan tehnogen apaty. Jarylys saldarynan 41 kenshi qaıtys boly, jeti jumysshy jaralandy.

2008 jyl, 14-16 qańtar. «Abaı» shahtasyndaǵy metan jarylysy.

Metan jarylysy 400 metr tereńdikte boldy. Resmı organdar osy ýaqytta shahtada 191 adam bolǵanyn jarııa etti. Jarylystan keıin lava qyzyl jalynǵa oranyp, sonyń saldarynan. 30 adam qaza tapty.

2010 jyl, 16 naýryz. Qyzylaǵashtaǵy sý tasqyny.

Bul — Táýelsiz Qazaqstan tarıhyndaǵy eń joıqyn sý tasqyndarynyń biri. Almaty oblysynyń Qyzylaǵash aýylynda naýryzdyń 11-nen 12-ne qaraǵan túni bolǵan oqıǵa. Qaıǵyly jaǵdaıdan 43 adam kóz jumdy, olardyń arasynda segiz bala bolǵan.

2012 jyl, 5 maýsym. Arqankergendegi qandy oqıǵa.

28 mamyrda «Arqankergen» shekara qyzmetinde 14 shekarashy men qoryqshy qaza tapty. Qylmystyń jasalýyna tiri qalǵan sarbaz - Vladıslav Chelah kináli dep tanyldy. Ol qazirgi ýaqytta temir torda jazasyn ótep jatyr.

2012 jyl, 27 jeltoqsan. Shymkentte ushaqtyń qulaýy

2012 jyly 25 jeltoqsanda Shymkent mańynda An-72 áskerı ushaǵy apatqa ushyraǵan. Áýe kóliginiń bortyndaǵy 27 adamnyń barlyǵy qaza tapty.

2013 jyl, 31 qańtar. SCAT kompanııasynyń ushaǵy apatqa ushyraýy

Áýe apaty saldarynan borttaǵy 21 adam qaza tapty. 16 jolaýshy jáne ekıpajdyń 5 múshesi. SCAT avıakompanııasynyń laıneri Kókshetaý - Almaty baǵytynda ishki reısti oryndaý kezinde Almaty áýejaıy mańynda qulaǵan.

2016 jyl 9 maýsym. Aqtóbedegi lańkestik

Terrorlyq akt saldarynan lańkesterdiń qolynan 8 adam qaza tapty. Antıterrorlyq operatsııa kezinde 18 qylmyskerdiń kózi joıyldy.

2019 jyl, 28 jeltoqsan. BekAir ushaǵynyń apatqa ushyraýy

2019 jyly 27 jeltoqsanda Almatydan Nur-Sultanǵa baǵyt alǵan Bek air áýe kompanııasynyń reısi apatqa ushyrady. Birneshe saǵat ótken soń qaza tapqandardyń naqty sany men esimderi belgili boldy.

2020 jyl, 13 shilde elimizde koronavırýstan qaıtys bolǵandardy Ulttyq aza tutý kúni dep jarııalady.

2021 jyl, 26 tamyz.

Jambyl oblysynyń Baızaq aýdanynda oq-dáriler qoımasyndaǵy órt pen jarylystardyń saldarynan adamdardyń qaza bolýyna baılanysty Qazaqstan Respýblıkasynda jalpyulttyq aza tutý jarııalandy.

22 jyl, 10 qańtar.

Eldegi jappaı tártipsizdikter kezinde kóptegen adamnyń qaıtys bolýyna baılanysty QR Prezıdenti Qasym-Jomart Toqaev 10 qańtardy Jalpyulttyq aza tutý kúni dep jarııalady.


Joǵary qaraı