Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan temir joly» ǵımaratynan bomba tabylǵan joq – polıtsııa

2022 jyldyń 18 mamyr 2022 22:48

NUR-SULTAN. QazAqparat – Elordadaǵy Qazaqstan temir joly ulttyq kompanııasynyń ǵımaratynan jarylǵysh zat tabylmady, dep habarlaıdy QazAqparat tilshisi Nur-sultan qalasy polıtsııa departamentiniń baspasóz qyzmetine silteme jasap.

«Búgin polıtsııanyń «102» arnasyna «Qazaqstan temir joly» ulttyq kompanııasynan shuǵyl habar tústi. Oǵan sensek, aktsıonerlik qoǵamnyń elektrondy poshtasyna belgisiz bireýden ǵımaratqa jarylǵysh zat qoıylǵany týraly hat kelgen. Arnaıy qyzmettiń kómegine ǵımarattaǵy adamdar evakýatsııalandy. Tekserý barysynda aqparat rastalmady. Jarylǵysh qurylǵylar tabylǵan joq», - delingen habarlamada.

Departament bergen aqparatqa sáıkes, atalǵan fakti boıynsha qylmystyq is qozǵaldy.

«Jedel-izdestirý sharasy júrip jatyr. Osy oraıda Nur-Sultan qalasynyń polıtsııa departamenti jarylǵysh zat týraly kórineý jalǵan habarlaý qylmystyq jaýapkershilikke ákeletinin eskertedi. Azamattardan úreı týǵyzbaýdy jáne messendjerge jalǵan habarlama jibermeýin suraımyz», - deıdi atalǵan vedomstvodan.

Aıta keteıik, búgin keshkisin belgisiz bireý QTJ ǵımaratyna bomba qoıylǵanyn habarlaǵan.

Eske sala ketsek, buǵan deıin Nur-Sultan qalasynda jarylǵysh zat týraly aqparatqa baılanysty saýda ortalyǵynan adamdar evakýatsııalanǵan edi.

Keıin Іshki ister mınıstrlgi jarylǵysh zat qoıylǵany týraly habarlama birneshe qaladan kelip túskenin habarlady.


Avtor Álı Ibraev
Basty sózder: Oqıǵa, QTJ, Nur-Sultan, Polıtsııa,
Joǵary qaraı