Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qazaqstan temir joly» kompanııasy poıyzdardyń nege keshigip jatqanyn túsindirdi

2021 jyldyń 5 mamyr 2021 16:30

NUR-SULTAN. QazAqparat – «Qazaqstan temir joly» ulttyq kompanııasy poıyzdar qozǵalysy kestesiniń buzylýyna qatysty túsinikteme berdi, dep habarlaıdy QazAqparat.

Kompanııa baspasóz qyzmetiniń málimdeýinshe, qazirgi kezde «QTJ» UK» AQ jelisinde temirjoldy jóndeý boıynsha josparly jumys júrgizilip jatyr.

«Jóndeý jumystaryna baılanysty belgili bir ýchaskede poıyzdar jyldamdyǵy kestede qarastyrylǵan jyldamdyqpen salystyrǵanda shektelýi múmkin. Búgingi tańda 84,7 shaqyrym jolǵa kúrdeli jóndeý júrgizildi. 14,6 shaqyrym jol kúsheıtilgen ortasha jóndeýden ótti. 34,5 shaqyrymda rels tireýin jáne 4 shaqyrymda joltabandy jappaı aýystyrý júrgizildi», delingen habarlamada.

Jumysty oryndaý kezinde aýyr tıptegi joǵary ónimdi mashınalar: Duomatic túzetý jáne qaǵý mashınasy, DGS jol turaqtandyrǵyshy, RM qıyrshyq tasty tazartý mashınasy jáne basqalary qoldanylǵan.

«2021 jyly barlyǵy 580 shaqyrymnan astam temirjol kúrdeli jóndeýden ótkiziledi. Eń kóp jumys kólemi Qaraǵandy, Jambyl magıstraldyq jeli bólimsheleriniń ýchaskelerinde josparlanǵan. Infraqurylymdy jańǵyrtý qozǵalys qaýipsizdigin, jolaýshylar men júk poıyzdarynyń jyldamdyǵyn arttyrýǵa baǵyttalǵan», delingen habarlamada.

«Qazaqstan temir joly» ulttyq kompanııasy keltirilgen qolaısyzdyq úshin jolaýshylardan keshirim suraı otyryp, qalyptasqan jaǵdaıǵa túsinistikpen qaraýdy surady.


Basty sózder: QTJ, Kólik,
Joǵary qaraı