Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan temir jolynyń» úsh qyzmetkeri vagonnan astyq urlaǵan

2021 jyldyń 8 jeltoqsan 2021 21:40

NUR-SULTAN. QazAqparat – «Qazaqstan temirjoly» Ulttyq kompanııasy» AQ-nyń úsh qyzmetkeri vagonnan astyq urlaǵany úshin sottaldy. Bul týraly Kóliktegi polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

Aqpartqa sáıkes, qylmys bıylǵy tamyz aıynda Qostanaı oblysynda bolǵan.

«QTJ-Júk tasymaly» UK» AQ Qostanaı bólimshesi fılıalynyń qyzmetkerleriniń biri Qarasý aýdany Qoıbaǵor stantsııasynda kúzetke qoıylǵan vagonnan astyq urlaýǵa bekingen», - dep jazady departamenttiń baspasóz qyzmeti.

«Ideıa avtory» taǵy eki áriptesin kómekke shaqyrǵan.

«Túnde qylmyskerler júk kóligin vagondardyń biriniń tómengi lıýgine taqap, oǵan 85 qap astyqty tıegen. Bul shamamen 6 tonna degen sóz. Shyǵyn 850 myń teńgeden asty. Urlanǵan astyq birden satylǵan. Qostanaı stantsııasyndaǵy jelilik polıtsııa bóliminiń qyzmetkerleri qylmystyń izin sýytpaı ashty. 35-50 jas aralyǵyndaǵy úsh qyzmekter qolǵa tústi», - deıdi Kóliktegi polıtsııa departamentiniń ókilderi.

Saqshylar kúdiktilerdiń kinásin zattaı aıǵaqtar men kýágerler bergen málimet negizinde dáleldep shyqqan.

«Qarasha aıynyń sońynda Qostanaı oblysynyń Qarasý aýdandyq soty QR Qylmystyq kodeksiniń 188-baby 3-bóliginiń 3-tarmaǵy boıynsha úkim shyǵaryp, árqaısysyn 3 jyl 6 aı merzimge bas bostandyǵyn shekteý túrinde jaza taǵaıyndady», - delingen resmı málimette.


Joǵary qaraı