Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Transkaspıı kólik baǵyty arqyly 2 mln tonna júkti tasymaldaýǵa daıyn

2022 jyldyń 10 naýryz 2022 08:43

NUR-SULTAN. QazAqparat - Bakýde QR Indýstrııa jáne ınfraqurylymdyq damý mınıstrligi men Ázerbaıjannyń Tsıfrlyq damý jáne kólik mınıstrliginiń ókilderi arasynda kezdesý ótti. Bul týraly QazAqparat mınıstrlikke silteme jasap habarlaıdy.

Kezdesýde Reseı men Ýkraınadaǵy jaǵdaıǵa baılanysty Transkaspıı halyqaralyq kólik baǵytynyń (THKB) bıylǵy tasymal kólemi, temirjol ýchaskeleri jáne Kaspıı teńizi arqyly ótkizý múmkindikteri talqylandy. Sonymen qatar, shekaralyq ótkizý beketteri men teńiz porttarynyń áleýeti, qosymsha júk aǵynyn THKB-ǵa baǵdarlaý úshin qolaıly jaǵdaılar jasaý jaıy sóz boldy.

Sondaı-aq jobaǵa qatysýshylar arasynda birlesken kásiporyn jáne atalǵan baǵytty damytý úshin Orta dáliz qurý máselesi qozǵaldy.

QR Indýstrııa jáne ınfraqurylymdyq damý vıtse-mınıstri Berik Kamalıev otandyq eksporttaýshylardyń júkterin osy baǵytqa baǵdarlaý jaıyna toqtalyp, elimiz qazirdiń ózinde eksportqa baǵyttalǵan júktiń 2 mln tonnasyn tasymaldaýǵa daıyn ekenin atap ótti.

Birlesken kásiporyn qurý arqyly tarıfterdi belgileý jáne júkterdi deklaratsııalaý máselelerin sheshýge, biryńǵaı IT sheshimderdi qoldanýǵa jáne tranzıttik júkterdi shoǵyrlandyrýǵa múmkindik beredi.

Berik Kamalıev sonymen qatar THKB baǵytynda avtokólikpen jasalatyn júk tasymaldaryn birlesip damytýdy usyndy.

Kezdesý qorytyndysynda taraptar tranzıtti damytý jónindegi jumys tobyn qurý jóninde sheshim qabyldady. Ol birlesken kásiporyn qurýmen jedel aınalysady.

Sonymen qatar, vıtse-mınıstr Berik Kamalıev Ázerbaıjan tarapyna eki el arasynda qatynaıtyn áýe reısteri sanyn kóbeıtý máselesin qarastyrýdy usynyp, Ázerbaıjannyń Tsıfrlyq damý jáne kólik mınıstri Rashad Nábıev oǵan qoldaý bildirdi.


Joǵary qaraı