Aýa raıy
Astana -8 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan túrmeleri beınebaqylaý júıesimen qanshalyqty qamtylǵan

2020 jyldyń 29 qarasha 2020 18:32

NUR-SULTAN. QazAqparat – QR Úkimet basshysy Asqar Mamın Qazaqstandaǵy túrmelerde beınebaqylaý júıesin ornatý jaıynda aıtyp berdi, dep habarlaıdy QazAqparat tilshisi.

«Qylmystyq-atqarý júıesi mekemelerin vıdeobaqylaýmen tolyq qamtý úshin normaǵa sáıkes 231 júıeni alý qajet. Qazirgi kezde 71 beınebaqylaý júıesi (31 paıyz) bar, onyń ishinde bıyl altaýy satyp alyndy» delingen Asqar Mamınniń senatorlardyń depýtattyq saýalyna bergen jaýabynda.

Sonymen qatar ol atalǵan másele boıynsha iske asyrylatyn josparǵa toqtaldy.

«QR Іshki ister mınıstrliginiń qylmystyq-atqarý júıesi mekemelerine jappaı beınebaqylaý engizý boıynsha Memleket basshysynyń tapsyrmasyn oryndaý aıasynda tıisti esep-qısap aldyn ala júrgizildi. Ony 2021-2023 jyldarǵa arnalǵan respýblıkalyq bıýdjetti naqtylaý aıasynda qarastyrý eskerilgen», - deıdi Premer-Mınıstr.

Sonymen qatar ІІM bıýdjetine júktemeni azaıtý maqsatynda áleýetti ınvestorlarmen birlese memlekettik-jekemenshik seriktestik aıasynda beınebaqylaýdy engizý pysyqtalyp jatyr.

Eske sala keteıik, bıylǵy Joldaýda Memleket basshysy penıtentsıarlyq mekemelerde, polıtseılerdiń qyzmettik bólmelerinde tutastaı beınebaqylaý engizýdi tapsyrdy.

Joǵary qaraı