Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan vaktsınatsııa pasportyn taný jóninde 3 elmen kelisim jasady

2021 jyldyń 12 maýsym 2021 19:39

NUR-SULTAN. QazAqparat – Qazaqstan koronavırýsqa qarsy vaktsınatsııa pasportyn ózara taný jóninde birqatar elmen kelissóz júrgizýde. Bul týraly QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etti, dep habarlaıdy QazAqparat.

«Búgingi tańda ár memleket úshin óziniń vaktsınatsııa pasportynyń basqa elderde tanylýy ózekti máselelerdiń biri bolyp sanalady.

Pandemııa jańa álemdik mindetterdi alǵa qoıdy. Olardy sheshý jedel is-qımyldy talap etedi. Sol sebepti Densaýlyq saqtaý mınıstrligi QR Syrtqy ister mınıstrligimen birlesip, birqatar memleketpen vaktsınatsııa pasporttaryn ózara taný máselesin pysyqtaýda. Kelissózderdi júrgizýdiń nátıjesinde tizimge alǵashqy bolyp Vengrııa, Taıland jáne Mońǵolııa sııaqty úsh el endi.

Osy baǵyttaǵy jumystar jalǵasýda. Atalmysh tizimdegi elderdiń qatary ulǵaıa beredi dep úmittenemiz», - delingen komıtet habarlamasynda.


Joǵary qaraı