Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan jáne shetel joǵarǵy oqý oryndary áskerı dárigerlerdi daıyndap shyǵarmaq

2020 jyldyń 12 qarasha 2020 14:19

NUR-SULTAN. QazAqparat - Qazaqstan Prezıdenti 2020 jylǵy Joldaýynda Úkimetke medıtsınalyq mekemelerdi kadrlarmen qamtamasyz etýdiń uzaq merzimdi boljamyn jasaýdy tapsyrǵan bolatyn. Memleket basshysynyń tapsyrmasyn oryndaý úshin Qorǵanys Mınıstrligi áskerı-medıtsınalyq beıindegi mamandardy daıarlaý josparlaryn qaıta qarady. Bul týraly QazAqparat tilshisi QR Qorǵanys mınıstrliginiń baspasóz qyzmetine silteme jasap habarlaıdy.

«Qurlyq áskerleri Áskerı ınstıtýtynyń kýrsanttary «áskerı istegi logıstıka» mamandyǵy, «medıtsınalyq qamtamasyz etýdi uıymdastyrý» biliktilikiligi boıynsha jáne Áýe qorǵanysy kúshteri Áskerı ınstıtýtynyń kýrsanttary «áskerı medıtsına» mamandyǵy men «áskerı dáriger» biliktiligi boıynsha

S.J. Asfendııarov atyndaǵy Qazaq ulttyq medıtsına ýnıversıtetinde jáne M. Ospanov atyndaǵy Batys Qazaqstan medıtsına ýnıversıtetinde bilim alýda», - delingen baspasóz habarlamasynda.

Habarlamada aıtylǵandaı, bıyl Qurlyq áskerleriniń Áskerı ınstıtýtyn 9 adam aıaqtady. 2021 jyly-11 adamdy, 2022 jyly – 12 mamandy daıarlaý josparlarynýda.

«Áýe qorǵanysy kúshteriniń Áskerı ınstıtýty 15 leıtenantty daıyndady, olar odan ári ınternatýrada oqýdan ótetin bolady. 2021 jyly 23 mamandy shyǵarý josparlanýda.

Medıtsına mamandaryn daıarlaý Reseı, Armenııa, Túrkııa jáne Qytaı elderindegi áskerı joǵary oqý oryndarynda júzege asyrylýda. Medıtsınalyq kómekti uıymdastyrý úshin qajetti ınfraqurylymdy qurýǵa jáne nyǵaıtýǵa basa nazar aýdarylýda. Ol áskerı emhanany, áskerı medıtsına ortalyǵyn, sanıtarlyq-epıdemıologııalyq mekemeni, medıtsınalyq jabdyqtaý mekemesin, respýblıkalyq jáne oblystyq ǵylymı emdeý-dıagnostıkalyq ortalyqtardy qamtýy tıis, sondaı-aq joǵary konsýltatıvtik toptyń bolýy qajet», - delingen habarlamada.

Qazirgi tańda sheteldegi áskerı joǵarǵy oqý oryndarynda 28 adam bilim alýda. Sondaı-aq, aǵylshyn jáne túrik tilderin meńgergen áskerı qyzmetshilerdi túrli medıtsınalyq beıindik mamandyqtar boıynsha kýrstyq daıarlyqqa jiberý máselesi qarastyrylýda.


Joǵary qaraı