Aýa raıy
Astana -2 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan joǵary baıytylǵan ýrandy azaıtý týraly málimdemege qol qoıdy

2020 jyldyń 22 qyrkúıek 2020 10:18

NUR-SULTAN. QazAqparat - Atom energetıkasy jónindegi halyqaralyq agenttiktiń (MAGATE) Bas konferentsııasynyń 64-shi sessııasynda QR Energetıka mınıstrligi men AQSh Energetıka departamentiniń ıAdrolyq qaýipsizdik jónindegi ulttyq ákimshiligi joǵary baıytylǵan ýrandy azaıtý týraly birlesken málimdemege qol qoıdy, dep habarlaıdy QazAqparat tilshisi.

ıAdrolyq qaterdi azaıtý jónindegi jahandyq bastama sheńberinde qazirgi ýaqytta Qazaqstanda zertteý reaktorlaryn konversııalaý jónindegi jumystar júrgizilýde.

«Bul jumystardyń negizgi maqsaty joǵary baıytylǵan ýrandy (JBÝ) joıý arqyly ıadrolyq materıaldardy taratpaý jáne zertteý reaktorlaryn tómen baıytylǵan ýran (TBÝ) otynyna kóshirý bolyp otyr. Osy jobalar AQSh uıymdarymen birlesip iske asyrylýda, olar kúrdeli mindetti oryndaý úshin Qazaqstan uıymdarynyń ǵylymı-tehnıkalyq áleýeti men quzyretteriniń joǵary deńgeıin atap ótti», - dep habarlaıdy Energetıka mınıstrliginen.

Jobany iske asyrýdyń mańyzdylyǵyn eskere otyryp, AEHA Bas konferentsııasynyń 64-shi sessııasy sheńberinde QR Energetıka mınıstrligi men AQSh Energetıka departamentiniń ıAdrolyq qaýipsizdik jónindegi ulttyq ákimshiligi joǵary baıytylǵan ýrandy azaıtý týraly birlesken málimdemege qol qoıǵan.

Taraptar JBÝ-dy barynsha azaıtý, ıadrolyq qaýipsizdikti qamtamasyz etý jáne ıadrolyq qarýdy taratpaý rejımin nyǵaıtý jónindegi ortaq maqsattardy qoldaý úshin birlesken áreketterdi jalǵastyrý nıetin rastaıdy.



Joǵary qaraı