Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan jýrnalısi Kaırde joǵary marapatqa ıe boldy

2020 jyldyń 11 naýryz 2020 20:11

NUR-SULTAN. QazAqparat - «Habar-24» telearnasynyń jýrnalısi Aqmaral Batalova Mysyrda ótken Halyqaralyq áıelder ekonomıkalyq forýmynda «Erekshe artyqshylyǵy bar áıel» atalymynda marapattaldy, dep habarlaıdy QazAqparat tilshisi.

«2020 jylǵy 4-5 naýryzda Halyqaralyq áıelder ekonomıkalyq forýmy (ÁEF) aıasynda tanymal qazaqstandyq jýrnalıst jáne fılm prodıýser Aqmaral Batalova «Erekshe artyqshylyǵy bar áıel» nomınatsııasynda marapatqa usynyldy. Jýrnalıst bul marapatqa Sırııa Arab Respýblıkasyndaǵy gýmanıtarlyq daǵdarysty obektıvti túrde kórsetkeni jáne Qazaqstannyń halyqaralyq arenada bitimgershilik rólin tanymal etkeni úshin ıe boldy. A.Batalova áskerı daǵdarys kezinde Sırııaǵa birneshe ret saparmen baryp, sol jerden «Habar-24» arnasyna birqatar reportajdar jasady. Sonymen qatar, ol Astana úderisi aıasyndaǵy beıbit kelissózder týraly habarlardyń jáne Taıaý Shyǵystaǵy ahýal boıynsha sholý maqalalarynyń avtory retinde tanymal», - delingen Qazaqstannyń Mysyrdaǵy Elshiliginiń Facebook-tegi paraqshasynda jarııalanǵan aqparatta.




Sońǵy úsh jyl ishinde A.Batalova Sezar Films prodıýserlik ortalyǵy ujymymen birneshe derekti fılmderdi, sonyń ishinde Sırııa máselesi, Astana úderisi, ıslamnyń radıkalızatsııalanýyna qarsy is-qımyl, Qazaqstannyń BUU Qaýipsizdik Keńesiniń múshesi retindegi jumysynyń nátıjeleri týraly fılmder túsirdi. Soǵys nátıjesinde zardap shekken Aleppo qalasyndaǵy túsirilgen «Qıraǵan jerdegi sheten jıdegi» derekti fılmi Máskeý kınofestıvaline qatysady.

Ótken jyly qazaqstandyq jýrnalıst WinTrade halyqaralyq uıymynyń «Jyl áıelderi» syılyǵyna usynyldy. Sırııa daǵdarysynyń gýmanıtarlyq problemalaryn aıqyndaýdaǵy obektıvtiligi jáne Astana úderisiniń nátıjelerin pash etýge belsendi kúsh salǵany úshin Reseı Federatsııasy Qorǵanys mınıstrliginiń dıplomymen marapattaldy.

Áıelder ekonomıkalyq forýmy (ÁEF) Áıelder lıgasynyń (All Ladies, ALL) ǵalamdyq jelisiniń bóligi sanalady. Forým - jahandyq deńgeıde áıelderdiń kásipkerlik pen kóshbasshylyq áleýetterin arttyrýǵa múmkindik beretin iri halyqaralyq alańdardyń biri.

ÁEF jyl saıyn álemniń ártúrli elderinde ótkiziledi. Bıylǵy jyly ol Kaırde Mysyr Úkimeti men Prezıdenti Ábdel Fattah as-Sısıdiń qamqorlyǵymen ótti. Mysyr astanasyndaǵy forým 8 naýryz Halyqaralyq áıelder kúnin merekeleýge arnaldy. Oǵan 75 elden kelgen áıelder qatysty.


Avtor Marlan Jıembaı
Basty sózder: BAQ, QR SІM, Sırııa,
Joǵary qaraı