Aýa raıy
Astana 10 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstanda 1,2 mln PTR test ótkizý úshin Úkimet rezervinen qarajat bólindi

2020 jyldyń 4 tamyz 2020 00:31

NUR-SULTAN. QazAqparat – Qazaqstan Respýblıkasy Úkimetiniń rezervinen Densaýlyq saqtaý mınıstrligine COVID-19 vırýsyn anyqtaý boıynsha PTR test ótkizý úshin qarajat bólindi. Bul týraly QazAqparat Densaýlyq saqtaý mınıstrligine silteme jasap habarlaıdy.

QR Úkimeti rezervinen bólingen qarajat 1 200 000 zerthanalyq zertteý júrgizý úshin bólingen.

«PTR test ótkizý arqyly COVID-19 aýrýyn anyqtaý boıynsha 1 020 000 zerthanalyq zertteý mınıstrlikke qarasty «Ulttyq saraptama ortalyǵynda», al qalǵan 180 000 zertteý QR DSM «Ulttyq qoǵamdyq densaýlyq ortalyǵynda» júrgiziledi. Odan bólek osy jyldyń maýsym aıynda 225 600 test jetkizilgen», - dedi DSM Taýarlar men qyzmetterdiń sapasyn jáne qaýipsizdigin baqylaý komıtetiniń baspasóz qyzmetinen.

Komıtettiń habarlaýynsha qazirgi ýaqytta satyp alý protsedýrasynyń bári júrgizilip, tasymaldaýshymen 554 000 testti jetkizý boıynsha kelisim jasalǵan. Kelisimge sáıkes testter 1-2 aptanyń ishinde jetkiziledi.

«Odan bólek Ulttyq saraptama ortalyǵy (QR DSM zerthanalary) azamattardy testpen barynsha qamtý úshin memlekettik jáne jeke zerthanalardy da tartyp otyr. 2020 jyldyń 2 tamyzyndaǵy jaǵdaı boıynsha respýblıkada 239 646 dana test qalǵan. Bul mólsher – aldaǵy eki aptany qajettigin jaýyp tur», - delingen habarlamada.


Joǵary qaraı