Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 1 naýryzdan bastap poıyz bıletteri qymbattaıdy

2021 jyldyń 18 qańtar 2021 18:15

NUR-SULTAN. QazAqparat - 2021 jyldyń 1 naýryzynan bastap oblysaralyq jáne qala mańyna qatynaıtyn barlyq áleýmettik mańyzy bar baǵyttarǵa temirjol bıletiniń quny 7% qymbattaıdy, dep habarlaıdy QazAqparat.

«Jolaýshylar tasymaly» AQ málimeti boıynsha, kompanııa jolaýshy tasymaldaý sapasyn jaqsartýǵa, onyń ishinde jyljymaly quram parkin jańartýǵa jáne qyzmet kórsetýdiń jańa standarttaryn engizýge baǵyttalǵan sharalardy júrgizip otyr.

«Jolaýshylar tasymaly» AQ 2018 jyldan 2020 jylǵa deıin 159 vagon satyp alǵan. Atalmysh vagondar myna baǵyttarǵa qatynaıtyn jolaýshy poıyzdarynyń quramynda bar : Almaty-Mańǵystaý, Nur-Sultan-Saryaǵash, Atyraý-Nur-Sultan, Atyraý-Almaty, Nur-Sultan-Arqalyq, Atyraý-Mańǵystaý, Almaty-Jezqazǵan jáne Nur-Sultan-Semeı.

Sonymen qatar, 1 toqsanda 50 jańa vagon jetkiziledi dep kútilýde.

Bul vagondar myna baǵyttar boıynsha qatynaıdy: Almaty-Mańǵystaý, Qyzylorda–Semeı, Almaty-Óskemen jáne Nur-Sultan-Semeı.


Avtor Qanat Mámetqazyuly
Basty sózder: QTJ, Tarıf, Kólik,
Joǵary qaraı