Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 17 mıllıonnan asa adam halyq sanaǵyna qatysty

2021 jyldyń 26 qazan 2021 12:48

NUR-SULTAN. QazAqparat - Qazaqstandyqtardyń 91,6% nemese 17 428 058 adam Jalpyulttyq halyq sanaǵyna qatysty. Azamattardyń 40,4%-i sanaqtan onlaın, 51,2%-i oflaın ótti. Bul týraly Ulttyq statıstıka bıýrosynyń basshysy Nurbolat Aıdapkelov málimdedi, dep habarlaıdy QazAqparat.

«Sanaqtan ótkender sany boıynsha Almaty qalasy kósh bastap tur. Munda sanaqqa qatysqandar qatary buǵan deıin tirkelgen halyq sanyna shaqqanda 107,5% quraǵan. ıAǵnı, qolda bar málimet boıynsha Almaty turǵyndarynyń sany 2005496 dep kórsetilgen. Al sanaq saýaldaryna 2154907 adam jaýap bergen. Demek, Halyq sanaǵy qazirdiń ózinde megapolıs halqynyń naqty sanyn kórsetýge kómektesetinin senimmen aıta alamyz»,- dedi bıýro basshysy.

Ekinshi orynda - Túrkistan oblysy, onda halyq sanaǵyna 98,6% nemese 2032333 adam qatysty.

Úshinshi orynda Jambyl oblysy, mundaǵy sanaqtan ótkender sany halyqtyń 98,6%-in nemese 1129863 adamdy qamtıdy.

Bir aıta keterligi, sanaqqa onlaın qatysýda Shyǵys Qazaqstan oblysynyń turǵyndary belsendilik tanytty munda sanaqtyń 57,7% jańa formatta ótti.

Ekinshi orynda 52,9% kórsetkishpen Qyzylorda oblysy tur. Kóshbasshylar úshtigin Jambyl oblysy túıindeıdi, onda turǵyndardyń 47,2% halyq sanaǵyna onlaın qatysty.

Dástúrli formattaǵy sanaqqa qatysýdyń eń joǵary kórsetkishi Almatyda tirkelgen – turǵyndardyń 76,1%-i páterlerdi aralaý kezinde sanaqtan ótken.

Ekinshi orynda – 69,6% kórsetkishpen Shymkent, al úshinshi orynda – Almaty oblysy, onda turǵyndardyń 60%-i halyq sanaǵyna qatysýdyń dástúrli formatyn tańdaǵan.

Buǵan deıin biz Almaty oblysynyń Balqash aýdany merziminen buryn saýalnama sharalaryn aıaqtaǵanyn aıtyp edik.

«Osy Almaty oblysyndaǵy Kerbulaq aýdanynda saýalnama máresine jetken. Halyq sanaǵy aıasynda málimetter jınaý jumysy Shyǵys Qazaqstan oblysynyń Abaı aýdanynda aıaqtaldy. Al Pavlodar oblysyn 8 birdeı aýdany (Aqtoǵaı, Jelezın, Ertis, Tereńkól, Aqqýly, Maı, Ýspen, Sharbaqty) sanaq aıasynda saýalnama júrgizý sharalaryn bitirdi»,- dedi Nurbolat Aıdapkelov.

2021 jylǵy Ulttyq sanaqtyń negizgi kezeńi Qazaqstanda 1 qyrkúıekten 30 qazanǵa deıin ótip jatyr.

Qarashanyń 8-ne deıin sanaq ótkizý ádistemesine sáıkes, naqtylaý sharalary qarastyrylǵan.


Joǵary qaraı