Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 17 jylda jol apatynan 49 myń adam qaza tapqan

2020 jyldyń 29 qazan 2020 18:45

NUR-SULTAN. QazAqparat - Qazaqstanda 17 jyldyń ishinde jol apaty saldarynan 49 myń adam qaza tapty. Bul týraly QR Indýstrııa jáne ınfraqurylymdyq damý mınıstrliginiń Avtomobıl joldary komıtetine qarasty «Jol aktıvteri ulttyq sapa ortalyǵy» RMK bas dırektory Zamır Saǵynov aıtty, dep habarlaıdy QazAqparat tilshisi.

«Álemde jyl saıyn jol apatynan 1 mln 350 myńnan astam adam qaza tabady. Bul kún saıyn 3,5 myńnan astam adamnyń ómirimen qosh aıtysatynyn bildiredi. Buǵan qosa, jyl saıyn 25 mln adam túrli dene jaraqatyn alyp jatady», - dedi ol Ortalyq kommýnıkatsııalar qyzmetindegi baspasóz máslıhatynda.

Ortalyq bas dırektorynyń málimetine qaraǵanda, sońǵy 17 jyldyń ishinde elimizde 270 myń jol-kólik apaty oryn alyp, saldarynan 49 myńnan astam adam kóz jumǵan.

Al túrli dárejede dene jaraqatyn alǵan adam sany 300 myńnan asyp jyǵylady.

«Ókinishke qaraı, jol apatynan qaza tapqandardyń 50 paıyzy - jastar», - dedi Zamır Saǵynov.

Avtor Marlan Jıembaı
Basty sózder: Statıstıka, Jol, Kólik, Oqıǵa,
Joǵary qaraı