Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 18 qańtardan bastap eskirgen aýyl sharýashylyǵy tehnıkalary ýtılızatsııaǵa qabyldanady

2021 jyldyń 17 qańtar 2021 01:10

NUR-SULTAN. QazAqparat – ÓKM operatory 18 qańtardan bastap eskirgen aýyl sharýashylyǵy tehnıkalary ýtılızaýtsııaǵa qabyldanatynyn jarııa etti, dep habarlaıdy QazAqparat tilshisi.

«Ekologııa, geologııa jáne tabıǵı resýrstar mınıstrligimen isten shyqqan ózdiginen júretin aýyl sharýashylyǵy tehnıkasyn 2021 jyly qabyldaý kvotasynyń mólsheri maquldandy. Osy baǵdarlamany iske asyrý aıasynda jyl sońyna deıin 2380 birlik aýylsharýashylyq tehnıkasyn qabyldaý josparlanyp otyr. Onyń ishinde 1900 traktor, 480 kombaın qabyldanady»,- dep habarlaıdy ÓKM operatorynyń baspasóz qyzmeti.

Aýyl sharýashylyǵy tehnıkalary Qazaqstannyń 11 oblysynda qabyldanady. 18 qańtardan bastap Qostanaı, Petropavl, Kókshetaý, Aqtóbe, Qaraǵandy, Qyzylorda, Taldyqorǵan, Shymkent qalalarynda, 1 aqpannan bastap Pavlodar, Almaty jáne Taraz qalalarynda eski tehnıkalardy ótkizýge bolady.

Eske sala ketsek buǵan deıin qoldanystan shyǵyp qalǵan kólikterdi ýtılızatsııaǵa qabyldaýdyń 2021 jylǵy baǵdarlamasy 11 qańtarda qaıta jandanǵanyn buǵan deıin habarlaǵan edik.

Atap aıtqanda 11 qańtardan bastap Qaraǵandy, Qyzylorda, Pavlodar, Semeı, Taldyqorǵan, Taraz, Óskemen jáne Shymkent qalasyndaǵy qabyldaý beketine kólikti ótkizýge bolady. al 18 qańtardan bastap Aqtaý, Aqtóbe, Atyraý, Kókshetaý, Qostanaı, Nur-Sultan, Petropavl men Oral qalalarynyń qabyldaý beketi jumysyn bastaıdy. Al 1 aqpannan bastap eski kólikter Almaty qalasynda da qabyldanady.


Joǵary qaraı