Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 2 mıllıonnan astam adam sanaqtan onlaın ótti

2021 jyldyń 13 qyrkúıek 2021 10:53

NUR-SULTAN. QazAqparat - 13 qyrkúıek saǵat 9:00-degi jaǵdaı boıynsha 2 041 876 respondent onlaın sanaqtan ótti, dep habarlaıdy QazAqparat.

Onyń 1 756 002-si sanaq.gov.kz saıtynda, 203672 Egov portalynda tirkelý arqyly jaýap berse, 82202 adam sanaqqa Aitu qosymshasy arqyly qatysty.

12 kúnniń qorytyndysymen Almaty oblysy alda. Munda 204805 turǵyn sanaqtan ótkeni jaıly habarlama alǵan.

Onlaın sanaqtan ótken taǵy 194697 adam Almaty qalasynda tirkelgen. Úzdik úshtikti Qyzylorda oblysy túıindedi. Munda 173847 adam sanaq saýaldaryna jaýap berdi.

Bul kórsetkish boıynsha ázirge sońǵy eki oryndy Mańǵystaý jáne Atyraý oblystary enshilep tur. Bul óńirlerde sáıkesinshe 46191 jáne 35542 adam sanaqtan ótken.

Al jergilikti halyq sanyna shaqqandaǵy sanaqtan ótkenderdiń úlesi boıynsha Qyzylorda oblysy alda tur.

Munda azamattardyń 21,1% saýaldarǵa jaýap bergen (1 tamyzdaǵy jaǵdaı boıynsha óńirde 823052 adam tirkelgen).

Bul kórsetkish boıynsha Pavlodar oblysy ekinshi orynda.

Munda turǵyndardyń 17% búginge deıin sanaqtan onlaın rejımde ótken (1 tamyzdaǵy jaǵdaı boıynsha óńirde 749754 adam tirkelgen).

Ulttyq statıstıka bıýrosy azamattardyń belsendiligi úshin alǵys aıta otyryp, sanaqty onlaın ótýge shaqyrady.

Sanaq.gov.kz saıty 15 qazanǵa deıin táýlik boıy qoljetimdi bolmaq. Onlaın sanaqtan ótpegender 1-30 qazan aralyǵynda ıntervıýerlerdiń saýaldaryna jaýap bere alady.

Barlyq saýaldar boıynsha 1446 baılanys ortalyǵyna habarlasýǵa bolady. Qońyraý shalý tegin.


Joǵary qaraı