Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda 2022 jyly aýyl sharýashylyǵy ónimderin satyp alýǵa 80 mlrd teńge bólinedi

2022 jyldyń 7 qańtar 2022 18:30

NUR-SULTAN. QazAqparat - Bıylǵy jyldyń 14 qańtarynan bastap «Azyq-túlik kelisim shart korporatsııasy» UK» AQ forvardtyq satyp alý baǵdarlamasy boıynsha kóktemgi-jazǵy dala jumystaryn júrgizý úshin aýyl sharýashylyǵy taýaryn óndirýshilerdi qarjylandyrýǵa ótinimderdi qabyldaýdy bastady.

Bul elimizdiń aýyl sharýashylyǵy taýaryn óndirýshilerine kóktemgi dala jumystaryna der kezinde daıyndalýǵa múmkindik beredi, dep habarlaıdy QazAqparat QR aýyl sharýashylyǵy mınsıtrliginiń baspasóz qyzmetine silteme jasap.

Bıyl aldyn ala qarjylandyrý kólemin 80 mlrd teńgege deıin ulǵaıtý josparlanýda, bul ótken jylǵy deńgeıden 2 esege joǵary.

«Salystyrý úshin aıta keteıik, atalǵan baǵdarlama boıynsha aýyl sharýashylyǵy taýaryn óndirýshilerge bólingen avanstyq tólem kólemi 2020 jyldyń kóktemgi kezeńinde 24,4 mlrd teńge, al 2021 jyly shamamen 40 mlrd teńgeni quraǵan. Sondaı-aq satyp alynatyn daqyldardyń tizimi jumsaq bıdaı, qatty bıdaı, arpa, suly, kúnbaǵys, zyǵyr, raps, soıa, qaraqumyq jáne júgeri sııaqty on tarmaqqa deıin keńeıtiledi»,-delingen habarlamada.

Qarjylandyrýǵa qujat tapsyrý úshin fermerler «Azyq-túlik kelisim shart korporatsııasy» UK» AQ-nyń aımaqtyq bólimshelerine habarlasýy nemese fcc.kz saıtynda onlaın-ótinim berýi qajet.


Joǵary qaraı