Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda 22 qańtarda kún raıy qandaı bolady: «Qazgıdromet» boljamy

2022 jyldyń 22 qańtar 2022 06:00

NUR-SULTAN. QazAqparat – Qazaqstannyń basym bóligine antıtsıklon jotasy áser etip, kún jaýyn-shashynsyz bolady, dep habarlaıdy QazAqparat «Qazgıdromet» RMK-nyń derekterine silteme jasap.

Al frontaldy bólikter elimizdiń batysy men ońtústigine kóbinese qar men qar aralas jańbyr, ákeledi. Olarmen birge jel kúsheıip, jaıaý burqasyn soǵady, kóktaıǵaq bolady. Respýblıka boıynsha keı jerlerde tuman túsedi.

Jambyl oblysynyń soltústigi, taýly jáne taý bókterli aýdandarynda tuman túsip, ońtústik-batysy, soltústik-shyǵysy men taýly aýdandarynda jeldyń jyldamdyǵy sekýndyna 15-20 metrge jetedi. Kúndiz taýly aýdandarynda kóktaıǵaq bolady.

Túrkistan oblysynyń ońtústigi, batysy, taýly jáne taý bókterli aýdandarynda tuman túsip, taý asýlarynda jeldiń kúshi sekýndyna 15-20 metrge jetip, kúndiz taýly aýdandarda kóktaıǵaq bolady.

Batys Qazaqstan oblysynyń batysy, soltústik-batysynda jaıaý burqasyn soǵyp, kóktaıǵaq bolady, jeldiń jyldamdyǵy sekýndyna 15-20 metrge jetip, túnde soltústiginde tuman túsedi.

Almaty oblysynyń batysy, shyǵysy men ońtústiginde tuman, kóktaıǵaq bolady.

Aqmola, Qostanaı, Pavlodar oblystarynyń soltústigi men shyǵysynda, Soltústik Qazaqstan oblysynyń ońtústigi men soltústiginde, Mańǵystaý oblysynyń soltústigi men ortalyǵynda, Atyraý oblysynyń batysynda, Shyǵys Qazaqstan oblysynyń soltústiginde, Qyzylorda oblysynyń ortalyǵynda tuman kútiledi.


Basty sózder: Qazgıdromet, Aýa raıy,
Joǵary qaraı