Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 27 myń 597 adam koronavırýstan em alyp jatyr – mınıstrlik

2020 jyldyń 5 tamyz 2020 08:20

NUR-SULTAN. QazAqparat – Qazaqstanda osy kezde koronavırýstyq ınfektsııadan 27 597 adam em qabyldap jatyr. Olardyń arasynda 172 sábı bar. Bul týraly QazAqparat tilshisi Densaýlyq saqtaý mınıstrligine silteme jasap habarlaıdy.

Mınıstrliktiń derekteri boıynsha, elimizdiń statsıonarlarynda 6 351 naýqas jatyr, 21 246 adam ambýlatorııalyq jaǵdaıda emdelýde. Jalpy naýqastardyń arasynda 172 adamnyń jaǵdaıy nashar. Sonyń ishinde 26 naýqastyń jaǵdaıy óte aýyr dep baǵalanýda. 44 naýqas ókpeni jasandy jeldetý apparatynda jatyr.⠀

«QR Densaýlyq saqtaý mınıstrligi budan bylaı táýliktik nátıjeler týraly aqparatty kún saıyn únemi úzbeı jarııalap otyrady. Barlyq málimet resmı saıtta jáne vedmostvanyń áleýmettik jelilerdegi paraqshalary arqyly taratylady. Atap aıtqanda, naýqastardyń jalpy sany jóninde, qaıtys bolý derekteri týraly jáne de qoǵam úshin mańyzdy ahýaldyń barlyǵy resmı aqparat taratý kózderinde jedel jarııalanady. Al, aımaqtardaǵy ahýal týraly aqparatty apta saıyn Densaýlyq saqtaý mınıstrliginiń resmı ókili arnaıy brıfıngte habarlap turady»,-delingen mınıstrliktiń habarlamasynda.


Joǵary qaraı