Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 3 mln astam qyzmetkeri bar kásipodaqtar jumys isteıdi

2020 jyldyń 10 qazan 2020 21:40

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Birjan Nurymbetov kásipodaq qyzmetkerlerin kásibı merekelerimen quttyqtady, dep habarlaıdy QazAqparat tilshisi.

«Qazaqstannyń kásipodaqtary – turaqtylyqtyń tiregi, áleýmettik-eńbek qatynastarynyń bazalyq elementi. Sizder basty mindetterińiz – eńbek adamdarynyń zańdy quqyqtary men ómirlik múddelerin qorǵaý jumystaryn abyroımen atqaryp kelesizder.

Qazirgi ýaqytta áleýmettik áriptestiktiń barlyq deńgeılerinde 3 mln-nan astam qyzmetkerdi biriktiretin kásipodaqtar qurylyp, jumys isteýde.

Sońǵy jyldary biz qyzmetkerlerdiń múddeleri men quqyqtaryn qorǵaýǵa baǵyttalǵan birlesken is-sharalardy belsendi ótkizdik.

Ózderińiz biletindeı, aǵymdaǵy jyly kásipodaqtardyń rólin kúsheıtýge jáne áleýmettik áriptestiktiń barlyq deńgeılerinde áleýmettik dıalogty damytýǵa baǵyttalǵan «Kásiptik odaqtar týraly» Qazaqstan Respýblıkasynyń Zańyna túzetýler engizildi.

Memleketke eńbek qatynastary sýbektileriniń múddelerin ońtaıly úılestirýge qol jetkize alatyn myqty jáne jaýapty kásiptik odaqtar qajet.

Qoǵamdyq qatynastardy retteýdegi kásipodaqtardyń róli neǵurlym mańyzdy bolsa, soǵurlym olar ózderiniń negizgi maqsatyn – jumyskerlerdiń áleýmettik jáne eńbek quqyqtary men múddelerin qorǵaýdy tıimdi ári sátti júzege asyra alady.

Qazaqstan kásipodaqtaryna belsendi de jemisti jumys tileımin! Sonymen qatar, Qazaqstan Respýblıkasy Kásipodaqtar federatsııasy óziniń 30 jyldyǵyn atap ótýde. Kásipodaqtar federatsııasymen kóp jyldar boıy syndarly jáne iskerlik qarym-qatynas ornattyq. Federatsııa – áleýmettik áriptestiktiń eń múddeli jáne eleýli tarapy, barlyq kelissózderdiń bastamashysy. Sizderge eńbekterińizge tolaǵaı tabys, amandyq jáne órkendeý tileımin!» – delingen Birjan Nurymbetovtiń quttyqtaýynda.


Joǵary qaraı