Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda 60-tan asqan adamdarǵa revaktsınatsııa úshin Pfaızer usynylady

2022 jyldyń 12 qańtar 2022 10:46

NUR-SULTAN. QazAqparat – Qazaqstanda 60 jastan asqan adamdarǵa revaktsınatsııa úshin Pfaızer vaktsınasy usynylady. Bul týraly Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Respýblıkada sońǵy aptada vaktsınatsııa qarqyny birneshe ese tómendedi jáne qańtar aıynyń on kúninde egilgen adamdardyń sany jeltoqsanmen salystyrǵanda 0,2 paıyzǵa artqan. Búgingi kúni 1-komponentpen 9,4 mln-nan astam adam egildi. Halyqtyń 79,2 paıyzy qamtyldy. Ekinshi komponentpen 8,7 mln-nan astam adam ekpe aldy. Bul halyqtyń 75,1 paıyzy», - dedi ol.

Onyń atap ótýinshe, Omıkronnyń anyqtalýyna baılanysty qosymsha is-sharalar engizilip, iske asyrylýda.

«Sondaı-aq halyqty vaktsınatsııalaý jáne revaktsınatsııalaý deńgeıin arttyrý kerek. Halyqtyń osal tobyn qorǵaý úshin revaktsınatsııalaýǵa arnalǵan vaktsınalar sany kóbeıtildi. Tek balalar men júkti áıelder emes 60 jastan asqan adamdarǵa revaktsınatsııa úshin Komırnatı («Pfaızer») vaktsınasy usynylady. Budan basqa, KVI boıynsha epıdemıologııalyq jaǵdaıdyń kúrt nasharlaýyna baılanysty, qyzyl aımaqtaǵy óńirlerde ujymdardy taratý jáne ınfektsııanyń taralýyn azaıtý boıynsha qosymsha aldyn alý is-sharalary Vedomstvoaralyq komıssııanyń kezekti otyrysyna shyǵarylady», - dedi Ajar Ǵınııat.


Joǵary qaraı