Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda agrotýrızmdi damytý modeli ázirlenedi

2020 jyldyń 28 shilde 2020 18:25

NUR-SULTAN. QazAqparat – «Kazakh Tourism» UK» AQ tóraǵasy Erjan Erkinbaev elde agrotýrızmdi damytý modelin ázirleý úshin dalalyq zertteý jumystary bastalatynyn málim etti, dep habarlaıdy QazAqparat tilshisi.

«Osy aıda Qazaqstanda agrotýrızmdi damytý modelin ázirleý boıynsha dalalyq zertteý jumystaryn bastaımyz. Osy jumys aıasynda týrızmniń osynaý áleýeti zor salasyn damytýǵa qatysty ońtaıly amal-ádister usynylady. Almaty, Aqmola, Túrkistan oblystarynda qazir bul salany baıytatyn sharýashylyq túrleri óte kóp. Máselen ara sharýashylyǵy, baqtar, úlken fermalar negizinde óte kórikti týrıstik ónimderdi shyǵarýǵa bolady», - dedi Erjan Erkinbaev OKQ-da ótken baspasóz máslıhatynda.

Kompanııa basshysy dál osyndaı zertteý jumystary shıpajaılyq-kýrorttyq nysandarda da júrgiziletinin atap ótti. Osylaısha, eldegi kýrorttardy tanymal ete túser usynystar ázirlenbek.

«Qazirgi ýaqytta elde 145 shıpajaılyq-kýrorttyq nysan bar. Biraq, ókinishke qaraı olardyń jumys reti sovettik kezeńdi eske túsiredi. Qyzmet sapasy damı qoımaǵan. Qazirgi ýaqytta osy saladaǵy túıtkildi máselelerdi zerttep, shetelden suranysty arttyrǵymyz keledi», - dedi ol.


Avtor Aıan Bekenuly
Basty sózder: Týrızm, Qoǵam,
Joǵary qaraı