Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda áleýmettik qyzmetkerlerdiń aılyǵy men mártebesin arttyrý kózdelip otyr

2020 jyldyń 20 qarasha 2020 14:18

NUR-SULTAN. QazAqparat – Qazaqstanda áleýmettik qyzmetkerlerdiń aılyǵy men mártebesin arttyrý kózdelýde. Bul týraly Eńbek jáne halyqty áleýmettik qorǵaý vıtse- mınıstri Erlan Áýkenov málim etti, dep habarlaıdy QazAqparat tilshisi.

«Búgingi tańda «áleýmettik qyzmetker» uǵymynyń biryńǵaı túsindirmesi joq. Sondyqtan áleýmettik qyzmet salasynyń mamandary san-salaly sektorǵa jaýapty bolyp kórinýi múmkin. Osyǵan baılanysty barlyq vedomstvo úshin biryńǵaı kvalıfıkatsııalyq talaptar men erejelerdi bekitýdi josparlap otyrmyz. Osylaısha, «áleýmettik qyzmet», «áleýmettik qyzmetker» uǵymdarynyń maǵynasyn aıqyndap, olardyń mártebesi men aılyǵyn arttyrý kerek», - dedi Erlan Áýkenov «Balalyq shaqty qorǵaý júıesiniń tıimdiligi jáne balanyń ál-aýqaty: memleket pen azamattyq qoǵamnyń birigýi» taqyrybynda ótken baspasóz máslıhatynda.

Onyń aıtýynsha, qazirgi ýaqytta pılottyq rejımde áleýmettik qyzmetkerlerdi testileýden ótkizý jóninde ıÝNISEF-pen birge birlesken joba júzege asyrylyp jatyr. Test áleýmettik qyzmetkerlerdiń kóńil-kúıin bilýge, ekinshi jaǵynan olardyń jumysty laıyqty atqara alatynyn, zańnama men Ádep kodeksin qanshalyqty biletinin anyqtaýǵa baǵyttalǵan.

Erlan Áýkenov áleýmettik qyzmet jumysynyń mártebesin arttyrý arqyly osy saladaǵy mamandardyń sapaly quramy jasaqtalatynyna senimdi. Al olardyń aılyǵy artsa, áleýmettik qyzmetkerlerdiń jalaqysy bilim nemese densaýlyq saqtaý salasyndaǵy áriptesteriniń aqshasymen teńesedi. Dál qazir olar atalǵan saladaǵy áriptesterinen eki ese az aılyq alady.



Joǵary qaraı