Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda alǵash ret asyq sportynan halyqaralyq dárejedegi ataq berilmek

2021 jyldyń 18 qazan 2021 23:44

NUR-SULTAN. QazAqparat – Qazaqstanda alǵash ret asyq atýdan sport sheberi ataǵy berile bastady. Bul týraly Nur-Sultan qalasy Asyq atý oıyndary federatsııasynyń prezıdenti Eskendir Rahmetov aıtty, dep habarlaıdy QazAqparat.

«Bıylǵy jylǵy mamyrdaǵy Mádenıet jáne sport mınıstriniń tıisti buıryǵyna sáıkes elimizde alǵash ret asyq atý oıyndary boıynsha halyqaralyq dárejedegi sport sheberi jáne Qazaqstan Respýblıkasynyń sport sheberi ataqtary berile bastady. Sonymen qatar túrli deńgeıdegi razrıad ataqtar beriletin bolady. Bul óz kezeginde ulttyq oıynymyz asyqtyń damýyna jańa serpin berdi dep aıtýǵa bolady. Sebebi qazirdiń ózinde oqýshylar arasynda oıynǵa qyzyǵýshylyq artyp, ulttyq oıynnyń tanymaldyǵy ósýde», - deıdi Asyq atý oıyndary federatsııasynyń prezıdenti.





Bul buıryq shyqqannan keıin tek Nur-Sultan qalasynyń 10 asyqshysy Qazaqstan Respýblıkasynyń sport sheberi jáne 12 jas sportshy sport sheberine úmitker bolǵan.

«Asyq oıyndarynan sporttyq ataqtar beriledi degennen keıin kópshilik adamdar eleń etip jatyr. Qazirgi kezde elorda quramasynda 10 sport sheberi jáne 12 sport sheberine úmitker bar. Bul Qazaqstandaǵy barlyq óńirlerdi qosqanda eń joǵary kórsetkish bolyp otyr. Muny estip jatqan oqýshylar biz de sport sheberine úmitker bolsaq, asyqty qashan oınaımyz dep qyzyǵýshylyq tanytyp jatyr. Árıne, jarystar bolady. Sońǵy jyldary pandemııaǵa baılanysty kóptegen sharalar jáne josparlarymyz toqtap qaldy. Osy jerde aıta keteıin bilim basqarmalary uıymdastyrǵan Mektep lıgasy, Gımnazııada sııaqty jarystarda 1-2-inshi oryn alǵandarǵa da tıisti ataqtar beretin bolamyz. Bul óz kezeginde balalardyń asyqqa degen qyzyǵýshyǵyn arttyryp, ony jańa bir deńgeıge kóterýge yqpal etetin bolady», - dedi Eskendir Rahmetov.






Bir ókinishtisi búginde asyq sportynan Qazaqstan Respýblıkasynyń halyqaralyq dárejedegi sport sheberi atyǵyna eshkim úmitker bola almaı otyr.

«Munyń sebebi bul ataqty alý úshin asyqtan Álem chempıonaty, Azııa chempıonaty, Dúnıejúzilik kóshpendiler oıyndarynyń júldegerleri bolý kerek. Asyqty birneshe jyl qatarynan Dúnıejúzilik kóshpendiler oıyndary qataryna kirgize almaı keldik. Alaıda asyq janashyrlarynyń jan-jaqty júrgizgen jumystarynyń nátıjesinde asyq atý jáne bes tas oıyndary 2021 jylǵy Dúnıejúzilik kóshpendiler oıyndarynyń qataryna kirdi. Álemdegi karantın jaǵdaıyna baılanysty oıyn kelesi jylǵa aýystyrylyp jatyr. Endi kóshpendiler oıynynda qazaqstandyq komanda top jaratyn bolsa olarǵa halyqaralyq dárejedegi sport sheberi ataǵy beriletin bolady», - dedi federatsııa prezıdenti.

E. Rahmetovtyń aıtýynsha, endigi maqsat asyqtan Azııa chempıonatyn uıymdastyrý.

«Bul halyqaralyq sharany uıymdastyrý úshin taǵy 4 memleket ıaǵnı Ózbekstan, Tájikstan, Túrikmenstan, Ázerbaıjan syndy elder Asyq atý federatsııalaryn ashýy kerek. Qazirgi kezde Mońǵolııada, ıAkýtııada, Qyrǵyzstanda jáne Qazaqstanda asyq oıyndary federatsııalary bar», - dep tolyqtyrdy ol.


Joǵary qaraı